۱۷۵ - اورت- باسديًر ائدنيًن داش- چيًنقيًلی وار.

اورت-باسديًر ائدنيًن داش-چيًنقيًلی وار.

(بو حاقدا ايلگيلی فارسجا يازيًما باخيًنيًز!)

 

هر ائلين باشقا کولتورو،ديلی وار

ميللی ايقتيصادی، بوتوو "چول"و وار

 

بيز هله سوسياليزمه دوشونموروک

چونکو يوردوموزو چاپان زالی وار

 

ميللی ايستيقلالی گرچکلشديرن

ميللی بورژووازيًديًر کی، پولو وار

 

هئچ بير موللا دئموکرات اولا بيلمز

ميللی اولا بيلر، چونکو ائلی وار

 

ايستيقلالی دئموکراتيزه ائدن

يوز مينلرجه چنلی- بئلچی دلی وار

 

ائل گوجو سئل گوجودور بيليکلنسه

ياغيًشلی- قارلیداغلاريًن سئلی وار

 

آری وار کی، مال اوره دمز، ويًزيًلدار

آری وار کی، پته يينده بالی وار

 

يونيس پارسابناب يًن يازيًسيًندا

آراسان بولارسان، سيچانزيلی وار

 

ايستيقلالی تنقيد ائتمه دن اونجه

فئدئراليست اولماغيًن وبالی وار

 

دئسه کی، تنقيده يانيًت وئرمه رم

دئمک کی، يوکونده قاچاق مالی وار

 

چاليًنيًب- چاپيًلان ايفشاچی اولار

اورت- باسديًر ائدنيًن داش- چيًنقيًلی وار

15.02.2005