۱۷۳ - سون سوز
سون سوز
بو اثر ميللی چاغدا کئچرليدير،
ميللی دئوريميميزه يئترليدير.
1675 فلسفه دوشوندورر.
آراز "يوخسا" سوزونون خيريداری
تنقيد ائتمه دن يوخ سانسالار واری
(اودوب آتا بيلمه سه لرده ياری)
قلمی قوی يئره دينجه لسين باری
قوی "توپ اتی"ائدن دانيًشسيًن يازسيًن
کی "بيليکلنمه سين، آلدانسيًن آزسيًن"
"ظاليًمی بزه سين، اوزو لوت گزسين"
1676
آرازيًن آديًنی هئچ چکن يوخدور!
اولمايا رئکلاميًن ضرری چوخدور؟
شئيری دوشمنلره زه هرلی اوخودور؟
گووه نيلرمی آرازدان قورخانا؟
آرازيًن شئيرينه قارشی چيًخانا؟
1677
هر دوشونجه، هر اينام اولور اولسون
هر ايدئولوق آدام اولور اولسون
اولو ستتارخان بابام اولور اولسون
آراز هر شئيه تنقيدسل ياناشار
چونکو جهلينی گوممک اوچون ياشار
1678
تنقيدچی ايستمز کی، ليدر اولا
ايستر کی، ليدری گتيره يوللا
جايديًرمايا کوتله نی ساغا سولا
ليدرين هر بير سوچونا گوز يومماق
خيانتدير کی، خايين دن نه اومماق؟
1679
آرازيًن شئيرينی يايمايان اووچو
نئجه داشيًياق بو قدر سوچو؟
او زامان کی، آچيًلاجاق اوووجو
گون بو گوندورسه چکينمه وور اولوم
صاباح حئساب سورولاجاقديًر گولوم.
1680
اولماز کی، آديًنی ميللتچی قويا
اوز- گوزونه سوره دئوريمچی بويا
چاغيًرمايا "وطن" شئيريمی تويا
آرازی بويکوت ائتمک جينايتدير
يوخسا جينايت ندن عيبارتدير؟
1681
"آزادتريبون" ايله "سول گوناز"يًم
قويماديًلار گوزومده قالا آرزيًم
چونکو ايًشيًق اوزو گوردو بو يازيًم
آرازيًن دئيه جک سوزو قالمادی
آلان آلدی، آلمايان دا آلمادی.
ياخشی- پيسيمی منی دوغوب- بويودن اولو خالقيًما بورجلو اولدوغوم اوچون ميننتدارام.
ياشاسيًن تورک اينسانی!
ياشاسيًن بوتوو آذربايجان!
ياشاسيًن توران!
بالتاجی آراز