۱۵۶ - دوست داايچ دوشمنين يولونو گئدير!
دوست داايچ دوشمنين يولونو گئدير!
1555
تورکون ايچ دوشمنی اولان آغالار، (تاجير، مولکه دار)
(+ تورک کوکنلی آنتی- قاديًن ديًغالار،)
قورخدولار کی، تورکون دردی ساغالار،
تورکو ساتديًلار کی، چاپا ياغيًلار؛ (ديًش دوشمنلر)
دون تکين بو گون ده "... سوموک آتيًليًر"،
پيشه وری تکين آراز ساتيًليًر.
1556
تورکون ساتقيًنی خان ايله دللال ديًر، (کومپرادور بورژووازی)
بو دوشونجه خيال دئييل، رئآل ديًر، ("شخصی فيکير" دئييل)
ساتقيًنيًندان يارديًم اومان خيال ديًر؛ (> جناب ايده آليست!)
تورکو فارسا ساتان تاجيردير، خان ديًر،
ثروتی چاپيًلان آذربايجان دير.
(وارليًغی محو اولان آذربايجان ديًر.)
1557
هانسی تورک سويلو مولکه دار تورکچودور؟
هانسی تورک سويلو کومپرادور تورکچودور؟
هانسی تورک سويلو ايقتيدار تورکچودور؟
آنتی تورکون خصمی ايستيقلالچی دير،
سيياسی تمثيلجسی فئدئرالچی ديًر (فهله قيًليًفلی جنابلار)
1558
بئشينجی سوتون اوز ايچيميزده دير، (فئدئراليستلر و ...)
هيزليک ايسه، جاهيل کئچيميزده دير، (عاريف ايشاره دن ...)
تئورودان قورخان ائلچيميزده دير؛ (بويکوتچو دوستلار)
آرازيزمی ايچ دوشمن بويکوت ائدير،
دوست دا ايچ دوشمنين يولونو گئدير!
1559
مولکييت دآوآسی قالديًران سئودا،
کوله اولماز کی، ماليک اولا ... خودا،
دوشمنين اوردوسونو سوخماز يوردا؛
قورتولموش يوردون هر شئيی قورتولار،
وطن خايينی نين قارنی ييًرتيًلار.
1560
آراز تورکچو روحلاری ديريلتيب دير،
هدفين يوللاريًنی بليرتيب دير، <<<
(ميللی دوست- دوشمنی نی بليرتيب دير،)
سينديريلمه سی اوچون اريتيب دير؛
آراز تئوريزه ائديب دئوريمی، <<<
بويکوتچو، خصمه قاپديًريًر ياورومو.
1561
بويکوت ائتمه ده، آلما دا آغريًمی،
هم ده چاش- باش سالما جاهيل ياورومو،
گل تئوريزه ائت ميللی دئوريمی؛ ("تعريف"لرله اوغراشما!)
تئورو اله آلار هر بير دالی، (۱)
چوزومله ييب- سونوچلايار رئآلی، (۲) (۳) (۴)
بيليمسل، سيسته ملی گورمز زاولی. (۵) (۶)
1562
تئوريزه ائده بيلمه ين قارداش،
قيًسقانج لیًغی نيًن باشيًنا سالسان داش،
گوز- قولاغيًن آچيًلار ياواش- ياواش،
گوره رسن کی، آراز او يولو گئديب، <<<
ميللی دئوريمی تئوريزه ائديب.
07.05.2012