۱۷۰ - اصغرزاده ايستر ايرانچی ائده.

  عسگرزاده ايستر ايرانچی ائده.

1657

سورورام آذربايجان يازاريًندان،*

خالقيًما بيليک وئره ن نظريندن،

سيياسی توکان آچان بازاريًندان،   (سن اوُل کی، من شاه اولوم.)

آرازيًن سوندوقلاری نيًن ديًشيًندا،    (اوغورلوق ياساقديًر.)

دئمه گه نه سوزون وارديًر باشيًندا؟  (هر سوزون تاريخی وار.)

 

  *- او جومله دن بويکوتچو

      عليرضا بی عسگرزاده لردن.

1658

آراز عسگرزاده بگه ال چالماز،   (ايرانچيًنی ايرانچی آلقيًشلايار.) 

اونون سوزلری درينليگه دالماز   (فئدئراليزمين دئتاللاريًنا توخونماز.)

آرازيزمين دورد- بش فاييزی اولماز؛

آرازيزم اوزالتماز، آز و اوز دئيه ر،

علم و منطيق آرازيزمه باش ايه ر.         (دئوريمچی بيليم)

تجروبه ميز آرازيزمه باش ايه ر.     (اوتاييًميًزيًن تجروبه سی)

(تنقيد ائده بيلمه ين آغيًز ايه ر.)   (کوسه ر، بويکوت ائدر.)

1659

عسگرزاده زامانی ائدر هدر؛

خالقيًن بيلديگی سوزلردن سوز ائدر،

هئچ بير شئی اويره تمه دن چيًخيًب گئدر؛

دئمز فئدئراليزم سومورگه ائدر،        <<<

چونکی اوزگه لرين يولونو گئدر.

1660

عليرضا بی اويادماز کی، ياتار،

دئمز فئدئراليزم حاقلاری ساتار،  (خاريجی سياست، بانک، .......)

حاققی ساتيًلانيًن هر شئيی باتار؛    (اينانماسان اوتايدان سور!)

يازقی حاققی ساتيًلان کوله اولار،

چئچن خالقی تکين ساراليًب- سولار.

 1661

عسگرزاده ايستمز چاره بولا،

کی آد منيم، يار اوزگه نينکی اولا،          <<<

قازانجيًميًز اوزگه گولونه دولا؛

اينانماسان، گئت اوتاييًميًزدان سور!

يئتميش ايلدن سونرا اولدو گورباگور.

               سون سوز:

 1662

عسگرزاده ايستر ايرانچی ائده،   (فئدئراليست ين گيزلی هدفی.)

آذربايجان ايرانا اره گئده،  <<<    (قيًزيًم سنی اره وئريم، ...)

بوشامايان اری ايت تکين ديده؛  (چئچنی ياد اوردوسو ديدن کيمی)

هر بير فئدئراليست تورک ايرانچی ديًر،  (< قيدسيز، شرطسيز.)

قارانی آغ گوسته ره ن يالانچی ديًر.     (احمد اوبالی تکين)

حاقلی يا چاميًر آتان يالانچی ديًر.*           (اوممت اينانار.)

 

 *- احمد و اوممتی ( دکتر سليمانی، فريدون لوندون، ...) و عسگرزاده:

    "آچ قاپيًنی، آچ قاپيًنی، آچ قاپيًنی گه له ک سنی اولدوره ک."

11.06.2012