۱۶۷- منيم ده يوردوم بوتوولشمه لی دير.
منيم ده يوردوم بوتوولشمه لی دير.
منيم ده يوردوم بوتونلشمه لی دير،
بوتوو فورماسی وطنلشمه لی دير،
ديًش دووارلاری بئتونلاشمالی ديًر.
بوتوولويو ائل گرچکلشديره جک،
چيرکينلرينی گويچکلشديره جک.
ائلی اويادان ائلين آيديًنی ديًر،
يوردسئور ائدن ... آيديًن قاديًنی ديًر،
يئنيلن آنتی قاديًن بودونودور.*
قاديًنسيًز پروبلئم چوزوله بيلمز،
اولدوروجو درده دوزوله بيلمز.
*- دينچی اوممتچی اولار. ميللتچيليیين آنتی تئزی اولان اوممت-
چيليک ايسه دينسل مانقورتو "ايران وطنی"، "عربيستان
وطنی"،"جيهان وطنی" ائدر. (ائتمه ميش می؟ جناب ...!)
چليشکيلی فيکيرلری بيزيم چالديًراندا چوپلويه آتيًب، حالواسيًنی
چالارلار.
ميللی کين اولمادان حرکت اولماز،
شوعورسوز حرکت يولونو بولماز،
کين سيز- شوعورسوز خالق ساواشا دالماز.
سن ده اولدور کين اولدوره ن فيکيری،
کی اولمايا ايچ دوشمن ين نوکری،
کی اولمايا ديًش دوشمن ين نوکری.
ايچ دوشمن بولدوروب منيم يوردومو،
چونکی تضعيف ائديب ... ميللی اوردومو،
ديًش دوشمن ده آرتيًرديًبديًر درديمی.
گرچک دوشمنيم بئشينجی سوتوندور،
بئشينجی سوتونسوز خالقيًم ... بوتوندور.
بئشينجی سوتون دئيه ر ايرانچی اول!
يعنی بوتوولشمه يه يابانجی اول!
ايز ايتيرمک اوچون ده يالانچی اول! <<< (ديققت!)
بئشينجی سوتونون ايکينجی شکلی،
روس مافياسی ديًر کی، آنلايار درکلی.
بئشينجی سوتون ايستر کی، تورک آزا،*
اوز الييله اوزونه قبير قازا،
يعنی ديًش دوشمن اونا يازقی يازا.
اوزگه اولدوره ر ميللی ايراده نی،
کی گرچکلشديرمه يه موراديًنی.
*- دئيه رلر: ضرورتلرين گره کديرديیی "آذربايجانيًن ايستيقلالی نيًن و بوتوولشمه سی نيًن گرچکلشمه سينی گره کلی گورمه ين بوگونکو دونيا ايسته مه ديیی اوچون بيز تورکلر ده اونون ايسته مه ديیيًنی ايسته مه ييريک ."
28.05.2012