۱۶۴ - بودور ايستيقلاليًن تمل هدفی.
بودور ايستيقلاليًن تمل هدفی.
1612
دئييرلر "بيلگين ائدن ضيياسی ديًر،"
"بيلديگينی دئمه ين سيياسی ديًر." (بيليکلنديرمه ينلری تانی!)
(بو ايشدن قازانان ياد مافياسی ديًر؛) <<<
دئييره م عمل تانيًتار کی، کيم دير،
بيليکلنديرمه ين شابلون سوز يئم دير. (ديققت!)
1613
ايرانچی "تورک" تورکو آلداتماق اوچون،
دئيير نه يی وارديًر بوگونکو تورکون،
(گويا) فارس تورکه چوره ک وئرير بوگون.
آراز دئيير اوتانماق ياخشی شئی دير،
فارسيستانی آباد ائدن ... گونئی دير. (آذربايجانيًن گونئييی)
1614
آذربايجان خالقی اوز گوجو ايله،
چوره ک قازانيًر، بسله يير آييله،
وئرگی وئرير سومورگه چی قاتيله؛
(+ فاييز وئرير سومورگه چی قاتيله؛)
وئرديگی ... وئرگیيله سيلاح آليًنيًر،
فارسيستاندا ... دمير يولو ساليًنيًر.
1615
فارسيستان چاپماسا آذربايجانی،
وئرگيسی، فاييزی، لعلی، مرجانی،
قويماز چيًخا آذربايجان يًن جانی؛
چاپيًلمايان ... معدنلرين قازانجی،
گلير ساغلايار کی، ... چکيله سانجی.
1616
آذربايجان ايستيقلالی نی آلسا،
قيسمت اولماز تورکون وئرگيسی فارسا،
سيلاح آلديًرار تورک سويلو اولوسا،
... شه هه ر سالديًرار تورک سويلو اولوسا،
آذربايجانيًن ميللی ثروتلری،
آباد ائدر شه هه رلری، کدلری.
1617
باشا سالماق اولماز هئچ بير اينه يی،
ايستيقلال اونجه آييًرار گونئيی، <<<
کی يوردوندا قالا چاپيًلان شئيی؛
يوردوندا قالسا چاپيًلان ثروتی،
قوللانار هم خالقی، هم مملکتی.
1618
ايستيقلاليًن هدفی بورماماقديًر،
اوزگه گوجو ايله بی دورماماقديًر، <<<
چاپديًران ياد فئرماسی قورماماقديًر؛
تئکنولوژی ايله ماشيًن اوره تن،
ايستيقلاليًنا قوووشار آی وطن.
22.05.2012