۱۶۲ - ميللی شوعور ميللی دوولت قوردورار.
ميللی شوعور ميللی دوولت قوردورار.
1597
آذربايجان مانوفاکتور يوردودور،
يئرينده سايماسی ميللی دردی دير،
دوکتورو ميللی- دئموکرات فردی دير؛
چونکی ميللت فردلردن اولوشوب،
ميللی گوجونو فرد ايله بولوشوب. (بورجونو اوده!)
1598
آذربايجان مانوفاکتورجو قالسا،
اوزگه لره قوللوق ائدر پياسا،
قوللوقچولاريًنا قويدورار ياسا؛
آذربايجان فابريکاتور اولمادان،
محروم اولار جننتده کی آلمادان.
1599
فابريکا ميللتينی آزاد ائدر،
گئری قالميًش يوردونو آباد ائدر،
اوزگه هم آسيًلی، هم برباد ائدر؛
چاپيًلان قازانج يوردونو ترک ائدر،
ديشی آغريًيان آغريًنی درک ائدر.
1600
اوزگورلوق لازيًمديًر يازقی يازماغا،
آسيًلی قيًلان قانونو پوزماغا،
گئريچيليگين کوکونو قازماغا؛
گئريچی ساتقيًنيًن يولونو گئدر،
ائشيت حوقوقلولوقدان يوخسون ائدر.
1601
مونتاژ فابريکا خاريجدن يوللانار،
سنين وئرديگين وئرگينی قوللانار،
اوجوز ايش گوجو ايشله ديب، پوللانار؛
مونتاژ فابريکا اوزگه نين مالی ديًر،* (مالی سرمايه)
اوزگه مالی نيًن صاحيبی ... زالی ديًر.
*- آغاليًق ايله سرمايه ساتيًلماز.
1602
اوزگه نين قازانجی يوردو ترک ائدر،
يوردو ترک ائدن قازانج اولار هدر،
هم ده قويماز ايفشا ائده ... پيشه ور؛
اوزگه قازانجی دوولته وئره ر پای،
دئيه ر سوموک گمير کی، يئرينده سای.
1603
هر ميللتچی ميللتچی اولا بيلمز،
هر قازانج اوز گولونه دولا بيلمز،
جاهيل دوغرو يولونو بولا بيلمز؛
سياسی ايقتيصاددان بيلمه ين تورک،
ميللی اينکيشافی ائده بيلمز درک.
1604
سوزون دوزلوگونو عملده آرا!
هر بير ايريليگی تملده آرا!
يوخسا يئرده يوخ کی، حملده آرا!
ميللی ايقتيصاد ميللی شوعور دوغار،
قئيری ميللی ميللی شوعورو بوغار.*
*- گوره سن آوروپادا دا بويله دی،
يوخسا اينکيشاف اوچون ترک ائيله دی؟
1605
هم ايشچی، هم اصناف، هم بازار اهلی،
اويانميًش اولسالار، گومرلر جهلی،
شوعورلو خالقا باش ايه ر سيلاحلی؛
ميللی شوعور ميللی دوولت قوردورار،
اينکيشافی دوردورانی دوردورار.
19.05.2012