۱۶۱ - ميللی دوولت خالقيًن يولونو گئدر.

ميللی دوولت خالقيًن يولونو گئدر.

1590

دئموکرات اولمايان تورک ميللی دئييل،

دئموکرات ائدن اونون مئيلی دئييل،

چونکی ضرورتلردن بويلو دئييل؛

دئموکرات سربست ائدر ... سرمايه نی،

کی گرچکلشديره ميللی قايه نی.

1591

ميللی قايه ميللی اينکيشافی ديًر،

گرچکلشديره بيلن اصنافی ديًر،     (~پيشه ور)

دوردوران دللالی و اشرافی ديًر؛

اصناف قويماز کی، اولکه سی چاپيًلا،

ايستر دردی نين چاره سی تاپيًلا.

1592

ميللی دوولت خالقيًن يولونو گئدر،

ميللی دوولتی اولان کآما يئتر،

مانوفاکتورونو فابريکا ائدر؛

اصنافيًن قازانجی فاز دييشديره ر،   <<<

اوره تيم گوجلرينی گليشديره ر،

اينکيشافی هدفه ايريشديره ر.

1593

دئوريمی، اورتيم گوجلری ياپار،

تئکنولوژو اوره تمه گه ال تاپار،

يوخسا آسيًلی ائدن اوزگه چاپار؛

اوره تيم گوجلريندن يانا دوولت،

هم ده ميللی دوولت ساييًلار، ميللت!

1594

تيجاری سرمايه دللاليًق ائدر،

اوره تن فئًرمانيًن يولونو گئدر،

يعنی فئرماجی تعيين ائدر قدر؛       <<<

وطن مالی آليًب- ساتان ميللی دير،

يوخسا بيگانه لردن آسيًلی ديًر.

1595

خالقيًم ميللی ساتقيًنلاردان بئزه جک،

ميللی صينيفين پئشينده گه زه جک

ايشسيزين دردينی اصناف چوزه جک،

اوندا کی، دردينه چاره بولاجاق،

مانوفاکتورو فابريکا اولاجاق.

1596

اونجه مانوفاکتور فابريکا اولار،

سونرا اوره تيجی ساواشا دالار،

صينفی ساواش سيياسی شکلی بولار،

او سيياسی گوج کی، قلبه چالار،

اوره تيم آراجيًنا ماليک اولار.

18.05.2012