۱۵۹ - روس مافياسيًندان قاراباغ بکله مه.
روس مافياسيًندان قاراباغ بکله مه.
1578
آی ايلهام دان يانا گونئيلی "بيلگين"،
روس مافياسيًنا اينانديًغيًن اوچون،
قاراباغ قورتولا بيلمه ييب بو گون؛
روس مافياسی گوره جک ايشی گوروب،
باشقا ايشی قالماييًبديًر کی، ... بوروب.
1579
روس مافياسی نيًن بوردوغو "سيياسی"،
ايستمز کی، تانيًنا روس مافياسی،
ساتقيًنيًن اوزونده اولماز حياسی؛
ايچ دوشمنی خالقا تانيًتان يوخدور،
قاراباغا خيانت ائدن چوخدور.
1580
بئشينجی سوتون خالقيًنی ساپديًرار،
خالقيًنی ميللی دوشمنه قاپديًرار،
ايشقال ائتديرديکدن سونرا ... چاپديًرار؛
بئشينجی سوتون ساتقيًن سيياسی ديًر،
اوتاييًميًزداکی روس مافياسی ديًر.
1581
روس مافياسيًندان قاراباغ بکله مه،
ايشقاليًن عومرونه يوز ايل اکله مه، <<<
سوچو اوزگه نين بوينونا يوکله مه؛
آراز قاراباغيًن يولونو گئدير،
ايچ دوشمن ده آرازی بويکوت ائدير.
1582
بئشينجی سوتونلاری اويه ن چوخدور،
آرازدان باشقا ايفشا ائدن يوخدور،
گوره سن کيم سانجی ديًر، کيم ده دوکتور؟
بو سورغويا جاواب وئره ن اولمادی،
چونکی حاق سوزه قارشی سوز بولمادی.
1583
روس مافياسی ميللی قئيرت اولدورور،
ايلنجه ايله بوش واختی دولدورور،* <<<
دونيانی ساققاليًميًزا گولدورور،**
قاراباغی گئری قايتارماييًر کی، <<<
قورتولا بيلمه يه خوی ايله ماکی.***
*- اوچ نسيل دير. ( ۷۰+۲۰= ۹۰) ايل دير.
* *- اوردوموز وارديًر آنجاق پاراد اوچون / ...
" گولمه، باشيًنا گله ر."
* **- هر سيياستين ياريًسی گيزلی دير،
گيزلری کشف ائدن آچيًق گوزلودور.
10.05.2012