۱۵۷ - هاردا ميللی دئوريم ضرورت تاپار؟

هاردا ميللی دئوريم ضرورت تاپار؟

1555

حرکتسيز يئرين گونشی دوغماز،

يئنی مضمون کهنه شکلينه سيًغماز،

هئچ بير مضمون اينکيشافيًنی بوغماز؛

هاردا مضمونلا شکل دآوآسی قوپار،

اوردا دردين حللی ضرورت تاپار.

(اوردا باغيًمسيًزليًق ضرورت تاپار.)

1556

دآوآميًز مولکييت شکلی اوسته دير،          <<<

چونکی ماليک اوزگه دير، يا خسته دير،

دئوريلنلرين آدلاری ليسته دير؛   (ليسته ده دير)

يا يوردومو قصب ائتميش ديش دوشمان ديًر،

يا ايچ دوشمندير کی، يئری "اورمان"ديًر.

1557

يوردومون گوللری ساراليًب- سولوب،

چونکی ماليکی اوزگه ميللت اولوب،

قورتولوشونو ايستيقلالدا بولوب؛

مولکييتين شکلی دييشمک اوچون،

تورکه باغيًمسيًزليًق لازيًمديًر بو گون.

(تورکه ميللی دئوريم لازيًمديًر بو گون.)

1558

کوله اودور کی، اوز يولوندان آزا،

ماليک اودور کی، يازقيًسيًنی يازا،

کوله نيًن يازديًغی يازقيًنی پوزا؛  (فئدئرال دوولتی تکين)

فئدئراليست گره کلی يولو گئتمز،

چونکی ماليک اولماق دآوآسی ائتمز.    <<<

1559

فئدئراليستين آغاسی اوزگه دير،

يوردو مرکزدن آيريًلماز بولگه ديًر،

سانکی مرکزين سالديًغی کولگه دير؛

ماليک اولمايانيًن ... اوردوسو اولماز،

اوردوسوز خالق دردينه چاره بولماز.

1560

فارسيستان آذربايجانی چاپماسا،

چاپديًغی پولا فارسيستان ياپماسا،

ميللیدردلرينه درمان تاپماسا،

فارسيستان آذربايجانا دئيه ر کی،

آيريًل مندن کی، ... بسله مه يم تورکو.

هيدايت بی ده " گويده قاپا توکو".*

 

   *- ايستيقلال بايراغيًميًزی قالديًران اينصافعلی بی

       هيدايت ين بيلمه سی گه ره کير.

04.05.2012