۱۵۴ - ائلچی بی ين سهويندن اويره نه ليم.
ائلچی بی ين سهويندن اويره نه ليم
(سيياستچی گئری قاليًب ائليمدن،) (ائلچی بی چی)
(بو سببدن تنقيد ياغيًر ديليمدن.)
1535
ائلچی بیی دستکله ين اولمادی،
چونکو صينفی درده چاره بولمادی،
آزادليًق مئيدانی داها دولمادی؛
ائلچی بی کوتله نی ساتدی قورآنا،
کوتله ده دستک وئرمه دی "چوبان"ا.
1536
آزادليًق مئيدانی نا توپلاشان ائل،
آخمادی کی، ائلچی بیه اولا سئل،
يوخسا کيمسه اسديره بيلمزدی يئل؛
سوچلو، قورآنا آند ايچن بی ايدی،
گوناها باتيًران دينسل مئی ايدی.
1537
کوتله چاغداش ليدردن يانا ايدی،
ائلچی بی ايرتيجا پالتاری گئيدی،
چونکو مجليسده قورآنا باش ايدی؛
دينسيز دوولتی تجروبه ائتميش ائل، <<<
باغلايا بيلمزدی ائلچی بیه بئل:
1538
باغلايا بيلسه يدی ائلچی بیه بئل، (گورجو تکين >)
شرقه قارشی غربدن اسديره ردی يئل،
صورت حوسينووو دئويره ردی ائل؛ 1993-də
ائليندن باشقا نه يين، کيمين وارديًر؟
ائلينی کوله ائدن اينسان خارديًر. (قورآنا ساتان)
1539
هم ائشيت حوقوقلولوق، هم ده ريفاه، (ديققت)
يئتميش ايل خالقا چکديرمه ميشدی ... آه،
بو سببدن حئيدری ائيله دی "شاه".
حئيدرين اوزو يوخ، شکلی دييشدی،
گيزلی پلانی هدفه ايريشدی. (قاراباغ ...)
1540
کوتله ان باشدا ريفاها دوشونر،
ائشيتليکدن يانا شاها دوشونر،
سونرا ائتديیی گوناها دوشونر؛
ليدرليیی ائل دئور ائتدی حئيدره،
قويدوغو امکلر گئتدی هه ده ره.
1541
اوتای کئچميش يئتميش ايلده اويودو،
اوياندی گوردو کی، ... اوله ن سويودو، (يانوار، خوجالی)
قورآنا ساتيًلان اونون اويودو،
سئکولار اويو قورآنا ساتان ... بی، <<<
قازانديًغی گووه نی ائيله دی زای.
1542
اوتای صينفی ساواشدا بولونماييًب، (مايا)
پوليتيکا قاتيًغی چاليًنماييًب، (صينفی خططی- حرکت)
وئريلمز هئچ بير حاققی آليًنماييًب؛
اوتايلی سيياسی نين سهوی چوخدور،
چونکی سيياسی تجروبه سی يوخدور.*
(شابلون سوزلرده سيياسی آراما!)
(بس- بللی درمان لازيًمديًر ياراما.)
*- يئری گلميش کن آرتيًريًب دئمه لييم کی، اولايلاری اولایلار بيتديکدن
سونرا، مه مه يئيندن په په يئيه نه قدر بيليکلنديکدن سونرا، و اونلاريًن
بيلديکلری ژورناليستی بيليکلراساسيًندا آچيًقلاييًب و آچيًقلارکن بش- اون
لاتينجه سيياسی سوزجوک ايشلتديکلری اوچون آدلاريًنی سيياسی تحليللر قويورلار:
۱- "قويون اولمايان يئرده کئچييه عبدالکريم دئيرلر."
۲- ژورناليست اولاييًن ايچينی گورمز.
۳- هانسی اوغرو اوز رومانيًنی يازار؟
۴- اينسانليًغا مارکس، روسا لئنين، تورکه کيم لازيًمدی؟
1543
گئريچيليیين سونوجو بو اولدو:
ميللی- گوجون آچديًغی گوللر سولدو،
قاراباغيًن بوتووو ايشقال اولدو،
سوچلاری ييًخدی خالقيًميًن بوينونا،
کی بير داها گلمه يه اويونونا.
1544
ائلچی بی ين سهويندن درس آلاليًم،*
مظلوم کوتله نين دردينه قالاليًم،
کوتله نين خئيرينه زورنا چالاليًم؛
ائشيتليک ايله ريفاه اولان يئرده،
هئچ بير ميللت گيريفتار اولماز درده.
*- اوی- لاری ساتمايان پارتی يا سس وئر! <<<
دوندن اويره ن کی، ياريًنلارا درس وئر!
1545
چونکو کوتله ائشيتليیه دوشونر،*
گره کيرسه دينسيزليیه داشيًنار، (سيًرا گونئی ده)
ذردوشدن سونرا ايسلامدان بوشانار؛
ائشيتچی ميللتی کوتله قورويار،
(سئکولار ميللتی کوتله قورويار،) <<<
قورونمايان يئرلی- ديبلی قورويار.
*- جناب ائلچی بی و ائلچی بی چيلر، او جومله دن
هانسی آغيًللی قاديًن، قاديًنی هر ساحه ده ائرککه
کوله ائدن قورآنيًن آنتی قاديًن آيه لرينی منيمسه یر،
ياخود ائشيتليکدن يانا اولماز؟
"تانری تورکو قوروسون." دئيه ن عيسی بی قنبر گوناز تيویده کی
چيًخيًشيًندا دئييردی: "بيز خالقيًميًزی آکسييالاريًميًزا دعوت ائديريک.
خالقيًميز ايسه آکسييالاريًميًزا قاتيًلميًر."
عيسی بی نييه قاتيًلماييًر؟ اولمايا "تحقير"ه لاييقدير؟
هاچان باش قالديًرديًن قاراباغ اوچون؟
کی باغيًشلانا ييرمی ايلليک سوچون.
1546
عيسی بی ساواشيًر ايقتيدار اولار،
ايقتيدار اولمادان اونجه کوک سالا،
قاراباغ ايشقالچی الينده قالا؛ <<<
عيسی بی بيلمه يير قاچان قووولار،
دئيير اونجه رقيب بورنو اووولار.
1547
عيسی بی ساواشميًر قاراباغ اوچون،
دئيير قاچماييًر کی، قووولا لاچيًن،
دئموکراسی اوغروندا توکه ت گوجون؛
عيسی بی دئيير اونجه بيز قورتولاق، (ناغد)
سونرا قاراباغی گئری قايتاراق* (نيسيه)
*- "ائششگيم اولمه آرپا بيتينجه،
آرپا بيتمه توربا تيکينجه."
دوغرودور، "تانری تورکو قوروسن." دئين عيسی بی،
يعنی ايقتيدار اولدوقدان سونرا کوتله نين اويونو قورآنا
ساتاجاق . عيسا بی بو گون نه فقط (1) سئکولاريزم
اوچون، بلکه (2) قارباغ اوچون ده ساواشماييًر.
بويوک اوغلان اولدوقدان سونرا ساواشاجاقديًر.
اينشاآلله.
1548
"تانری تورکو قوروسون." دئيه ن عيسا،*
بيلير تانريًديًر قورآنداکی ياسا،**
کی قورودوغونون خصمينی آسا. (قاديًن، دئموکرات، سئکولار.)
سئکولاريزمی دين ايلگيلنديرمز،
آنتی- سئکولاريست بيلگيلنديرمز.
*- ژورناليست شوعاريًن ايچينی گورمز:
(اورنک: آزادی کيمدن، کيم اوچون، نه اوچون)
"تانری تورکو قوروسن."، يعنی قورآنيًن او جومله دن
آنتی قاديًن آيه لری ايجرا اولسونلار کی، او آيه لردن
يارارلانان ... آتا- بی چيلر زيان گورمه سينلر.
**-"قانونون اوزو هم ده قانون يازانيًن اوزودور و او دا تانری دير.
بيز قانوندان بير شئی بکله ييريکسه، بونون ان باسيت آنلامی اودور کی،
بيز قانونو تانيًييًب اونا اويماغا چاليًشاق...
منيم گرچک آغام و يونلنديريجيم اولان تانری ايله همسفراولماغا قرار
وئرديم ..."ماهاتما گاند (چئويره ن گونتای گنجالپ)
23.04.2012