۱۵۲ - آذربايجان تورکو، ندير جاوابيًن؟
آذربايجان تورکو،ندير جاوابيًن؟ (۱)
1484 *- هدف ضرورتدن دوغار.
آذربايجان تورکو، ندير ضرورت؟*
اوچا بيلرمی تک قانادلی ميللت؟
گوجلنمزمی بوتوولشسه مملکت؟
ال الين قارداشیًمی، يوخسا اوزو؟
نييه ال الی يويار، ال ده اوزو؟ (هاچان؟)
1485
آذربايجان تورکو، هانی قئيرتين؟
ساواش مئيدانلاريًنداکی جورعتين؟
ميللی دوشمنينی يئنن قودرتين؟
قئيرتی نين ايچينه کيم قوسوبدور؟
کی ايشقالچيًلارا قارشی سوسوبدور؟
بولونمز ميللتين ميللی وارليًقلاريًنا آييد
مولکييت حاققی بولونمزدير.
1486
آذربايجان تورکو، هانی قاراباغ؟
نييه قورتارميًرسان اولا اوزون آغ؟
نييه ساققاليًنا گولمه سين بو چاغ؟
کيم سيلاحلانديًراجاقديًر اوردونو؟
کيم قورتاراجاقديًر سنين يوردونو؟
1487
آذربايجان تورکو، هانی ناموسون؟
کيمدير قاراباغی ساتان دييوسون؟
(کيمدير ناموسونو ساتان دييوسون؟)
نييه دييوسسئور اولوب اولوسون؟
هانسی اوردو قورتارماييًب يوردونو؟
کيم ناموسسوز ائديب سنين اوردونو؟
1488
آذربايجان تورکو، هانی لاچينين؟
کيم دئيير ايشقالچی ايله کئچينين؟
وطن اوغروندا ساواشدان قاچينين؟
"موفته نئفت"ين خئيری ندير لاچينا؟
هانسی امنييت دوشونمز سوچونا؟
1489
آذربايجان تورکو، کيم سنی ساتيب؟
کيم سنی فارسيًن ناخيًريًنا قاتيب؟
هانسی صينفين خئيرينه ... آديًن باتيب؟
ايچ دوشمندن باشقا کيم ساتار تورکو؟
هاچان قازيلاجاق دوشمنين کوکو؟
1490
آذربايجان تورکو، کيم درده ساليًب؟
کيم ده قاراباغ يئرينه صولح آليًب؟
نييه يوردون ايشقال آلتيًندا قاليًب؟
هانسی آتشکس اون آلتی ايل سوروب؟
کيم آتشکسی پوزان تورکو بوروب؟
1491
آذربايجان تورکو، ندير درمانی؟
هانسی درمان ياخشی ائدر يامانی؟
اولدورمزمی اولدورمه سن دوشمانی؟
کيم گئری قايتاريًب آلديًغی يئری؟
هانسی اولو خورتلاييًب- اولوب ديری؟
1492
آذربايجان تورکو، کيم سنی بوروب؟
بورماق اوچون هانسی پلانی قوروب؟
کيم ياسيًندا توی توتانلاری ووروب؟
ايچ دوشمن بوداغيًن کوکو دئييلمی؟
تورکو ساتان ساتقيًن تورکو دئييلمی؟
1493
آذربايجان تورکو، کيمدير دوشمانيًن؟
نييه دوشونمه گه يوخدور زامانيًن؟
نييه زامان اولدورور تار- کامانيًن؟
کيم خالقی ياس گونونده ايلنديرر؟
کيم شوشانی اوزوندن ايرنديرر؟
1494
آذربايجان تورکو، نييه ياتميًسان؟
آغليًنی هانسی شاعيره ساتميًسان؟
کيم بوروبدور کی، گوناها باتميًسان؟
نه چيخار فوضولونون غزه ليندن؟*
اوممتچی يئتيشديرن ساز اليندن؟
(ديلنچی يئتيشديرن ساز اليندن؟)
*- نه چيًخار صمد وورغونون شئعيريندن؟
صمدلری مانقورت ائدن لئنيندن؟
1495 *- مومکون دئييل.
آذربايجان تورکو، هانی به درکين؟
کيم اوياداجاق سنی آراز تکين؟*
کيم سانسورچولارا بسله يه جک کين؟ <<<
کيم بويکوتچولارا بسله يه جک کين؟ <<<
کيم قويموياجاق کی، کين سوندوره دين؟
کيم قورتاراجاق آرازيًن شئيرينی؟
کی تانيًيالار ... دوز ايله ايرينی.
1496
آذربايجان تورکو، ندير جاوابيًن؟
هاچان باشلاناجاقديًر اينقيلابيًن؟
هاچان سون بولاجاق دردين، عذابيًن؟
اينقيلابسيًز ميللی دوولت قورولماز،
ميللی دوولتين اوردوسو بورولماز.
اينانما روسقولو حاکيمييته،
ساواشی اوغرادار مغلوبييته.
09.07.2011
* * * * * * * * * * * * * * *
آذربايجان تورکو، ندير جاوابيًن؟ (۲)
1497
آذربايجان تورکو، ندير هدفين؟
کيم ايستر باغيًمسيًز اولا خلفين؟ (هدفين ايستر.)
کيم ايستر کوکلو اولا اينکيشافيًن؟
کيم آوروپانی صنايئلشديريب؟
کيم مونتاژچيًنی اناييلشديريب؟
1498
آذربايجان تورکو، ندير ايستيقلال؟
کيم قويماز کی، اولا قوللانيًلان مال؟
کيم دئيير باغيًمسيًز ائدر بيت المال؟ (ميللی ايقتيصاد)
کيم دئير کی، اوز يازقيًنی اوزون ياز؟ (سيياست)
کيم دئير کوله ليگين کوکونو قاز؟
1499
آذربايجان تورکو، کيمدير فئودال؟
کيم سانار آرواديًنی آسيًلی مال؟ (ميللی کوله لرينی)
کيم ائدر هر ائوينی بير فئدئرال؟ (سومورگه لرينی)
کيم ايستر کی، اولا اربابيًن مالی؟ (کوله سی)
کيم کوله ليگه ساتماز ايستيقلالی؟
سيياستی ايقتيصاد ايله ايضاح ائتمکدن قورخان سويداشلار ايسترلر کی،
(۱-) ديًش دوشمنلريميزين اولچولری و مئتودلاری ايله ميللی پروبلئملریميزين چوزومونه دوشونک.
(۲-) ميللی حاقلاريًميًزی ساتماقلا بيرليکده ميللی اينکيشافيًميًزيًن دوشمنلری
اولان فئودال ياپيًلی ايچ دوشمنلريميزين اولچولری و مئتودلاری ايله ايچ پروبلئملريميزين چوزومونه دوشونک. ائله اونا گوره، >
(۱-) دئمزلر کی، باغيًمسيًزليًق قورتارار بيت المالی.
(۲-) دئمزلر کی، قورآن ايستر کی، کوله، کوله قالا /
ايستمز وئريلمزحاققینی آلا /
ايستمز ايستيقلال حاققيًنی آلا /
ايستمز بيرئيسل حاققيًنی آلا.
(۳-) دئيرلر کی، الف- قيًزل بوشقابدا فئدئراليزم سونموش سومورگه چی روس ميللتی تکين ميللی کوله لرينه فئدئراليزم سوناجاق سومورگه چی فارس ميللتی نين دون دييشديرجک اولچولری ايله مئتودلاری لازيًمديًر بيزه.
ب -اوزگه لرين کولگه سينه دونوشمک اوچون، اوزگه لردن آسيًلی قيًلان مونتاژچيًليًق ايله کمپرادوريزم لازيًمديًر بيزه.
گوره سن کيم چينلی نی دينسيز ائتدی؟*
دورد يوز ايلليک يولو قيًرخ ايلده گئتدی.** (دئمه يين دئمه ديلر.)
*- دينسيز اوز يازقيًسيًنی اوزو يازار.
**- چينه ميللی اينکيشافی آچيًسيًندان باخيًنيًز. <<<
1500
آذربايجان تورکو، کيم ايرانچيًديًر؟
کيم بولونموش تاييًنا يابانجیًديًر؟
نييه هم يابانجی، هم يالانچيًديًر؟
کيم صمد وورغونلاری مانقورت ائتدی؟
کيم مممدامين ين يولونو گئتدی؟
1501
آذربايجان تورکو، کيم سئکولارديًر؟
کيم قورآنيًن آللاهی تکين کارديًر؟
کيم يازقی حاققيًمی گومن موردارديًر؟
کيم قورآن تکين قاديًن دوشمانيًديًر؟
هانسی ده يرلر دردين درمانيًديًر؟
(موساواتچيًليًق فردين درمانيًديًر.)
(دينسيزليق دوولتلرين درمانيًديًر.)
(موساواتچيًليًق =ائشيت حوقوقلولوق)
1502
آذربايجان تورکو، کيم دئموکراتدی؟
نييه آللاهليًق گوموله جک ذاددی؟
نييه دوشمنين دينسل اعتيقاددی؟
کيم اينسان حاقلاريًنی ائدر ياساق؟
(کيم بيرئيسل حاقلاری ائدر ياساق؟)
کيم دئير تنقيدچينی گرک آساق؟
1503 *- يالانچی، فيًريًلداقچی، ...
آذربايجان تورکو، کيم ديکتاتوردور؟
ديکتاتور اوره دن هانسی فاکتوردور؟
کيم هم ديکتاتوردور، هم ده آکتوردور؟*
ائشيت حوقوقلولوقدان يانا کيمدير؟
دينين اولدوردويو نييه جيسيمدير؟ (آيه لره گوره.)
1504
آذربايجان تورکو، کيم، نه اويره دير؟
کيم درمان ائدن دوشونجه اوره دير؟
هانسی دوشونجه مانيعه توره دير؟ (سانسورچو ...)
کيم خالقی چاش- باش سالان يازی يازيًر؟
کيم ... خانخانليًغيًن مزاريًنی قازيًر؟
1505
آذربايجان تورکو، ندير خيانت؟
نييه فردی حاقدان اولمور حيمايت؟
حاق اولدورمک ساييًلمازمی جينايت؟
هر کسين تبليغ و تنقيد حاققی وار،
ياخشيًيا حورمت ائدرلر، پيسی خار.
12.07.201
* * * * * * * * * * * * * * *
آذربايجان تورکو، ندير جاوابيًن؟ (۳)
1506
آذربايجان تورکو، ندير عدالت؟
عدالتسيزليق دوغمازمی ... رذالت؟
رذالته باش ايرمی شرافت؟
ندير اينسان حاقلاری نيًن آماجی؟
نييه قارداش قدر پای آلمير باجی؟
(نييه تارلا ساييًليًر ارلی باجی؟)
(. . . . . . . . . . . . . . . . . .؟)
(نييه دين دوشمنی اولماسيًن باجی؟)
1507
آذربايجان تورکو، کيم عاديل دئييل؟
کيم اينسان حاقلاريًنا دئير يئييل؟
کيم دئير ظاليًميًن اونونده اييل؟
کيم اولدورر اوياديًجی آيديًنی؟
کيم اولدورر موساواتچی قاديًنی؟
1508
آذربايجان تورکو، کيم اخلاقسيًزديًر؟
کيم اينسان حاقلاريًنا ماراقسيًزديًر؟
کيمه گوره موساواتچی "حاقسيًز"ديًر؟
اخلاقسيًز حاقلاری گوممن دئييلمی؟
حاقلاريًن دوشمنی دوشمن دئييلمی؟
1509
آذربايجان تورکو، کيم کيمی ازير؟
کيم کيمی آلداديًر کی، آلا نذير؟
کيم کيمی بزه يير، اوزو لوت گزير؟*
ندير اينسان حاقلاری ايله ريفاه؟
کيم خالقا يئديرير ناله ايله آه؟
*- مانقورتون هم ميللی، هم صينفی شکلی اولار.
1510
آذربايجان تورکو، کيم کاما چاتيًر؟
کيم اوجوز آلديًغيًنی باها ساتيًر؟
کيم ايشله مه دن يئيير، ايچير، ياتيًر؟
نييه هر شئی ايش گوجوندن باهاديًر؟
هانسی دآوآنيًن خئيری ريفاهاديًر؟
1511
آذربايجان تورکو، کيم آغيًلليًديًر؟
نييه هر دئوريمين شکلی بلليدير؟ (ميللی دموکراتيک)
نييه آنجاق دئموکرات تورک ميلليدير؟*
چونکو ميللی يوردونو گليشديرر،
*- چونکو موجود دوزنی دييشديرر،) (< ديققت!)
ايستيقلالی هدفه ايريشديرر. (آوروپا تکين)
1512
آذربايجان تورکو، کيم ايستر آزام؟
کيم ايسته مز يازقيًمی اوزوم يازام؟*
کيم ايسته مز کيرلی آيه نی پوزام؟** (قانونو)
*- کيم ايستر ايستيقلال حاققيًمی گومه؟
کيم اوولانار فئدئراليستی يئمه؟
**- کيم حاق وئرمز کی، قاديًن قاضی اولا؟
کيم ايسته مز حاقلی حاققيًنی آلا؟
1513
آذربايجان تورکو، کيم مانقورت ائدر؟
کيم مانقورت ائدنين يولونو گئدر؟
کيم ساواشی اودوزار، ياخود اودار؟
هاچان خالقيًم اوزونه گله جکدير؟
هاچان خالقيًميًن اوزو گوله جکدير؟
1514
کيمين وعده لری ايچی- بوش سوزدور؟
آستاريًنی ايسته ين هانسی اوزدور؟
کيم ايسته مز آراز خالقی اويادا؟*
کيم چاغيًرماز آرازيزمی تويا دا؟
*- اوخويان يوخدورسا منيم شئعیريمی،
مندن ياخشيًسی دولدورسون يئريمی.
"آی شبيسترلی داداشلار، سيزه من نئيله ميشم؟"
ميرزه علی اکبر موجوز
جاواب:
تورک سويلو روس مافياسی ايله ايرانچی تورکلرين وايرتيجاچی اولدوقلاری اوچون بالتاجی آرازی بويکوت ائدن تورکلرين هم اوزلری نين، هم ده گله جک ده کی خلفلری نين گرچک اوزلرینی اورتايا چيًخارديًب و تانيًتميًشام کی، آلداديًب- آزديًرا بيلمه سينلر. بالتاجی آراز
20.07.2011
* * * * * * * * * * * * * * *
آذربايجان تورکو، ندير جاوابيًن (۴)
1515
آذربايجان تورکو، ايچ دوشمندن اورک!
آرازيًنا صاحيب چيًخ کی، اول بويوک!
چونکو هم ايرانچی، هم ايسلاميست تورک،
داشيًيًيًرلار اوز سيته لرينده يوک، (< ديققت!)
او يوکو کی، چورودوب- ائدر چوروک
گوممه ميللی- دئموکراتيک يازيًنی! (ديققت!)
۱- ايرانچی تورکه ساتما آرازيًنی!
۲- ايسلاميست تورکه ساتما آرازيًنی!
1516
آذربايجان تورکو، سنين نه يين وار؟
بئيينلری اويوشدوران "می"ين وار،* (فوضولی لر)
(افيونچو فوضولولاردان "می"ين وار،)
داياز دوشونجه لی ... ائلچی به يين وار، (يازی ...)
نه موتلوکی، آرازيًندان يازيًن وار، (گومولمه سه)
ايدئولوژو سونموش آرازيًن وار. (هر کسين ايشی دئييل)
*- اويوشدوردولار کی، بو گونه قالديًق. (فوضولی لر)
مانقورت ائتديلرکی، بو گونه قالديًق. (صمد وورغون لاری)
1517
آذربايجان تورکو، سنيندير يازيًم،
سنين اوچون امک قويدو آرازيًم،
سندن باشقاسی اولا بيلمز قاضيًم،
من سنه ميللی دوشونجه اوره تديم،
(من سنه ايدئولوژو اوره تديم،) (ميللی ايدئولوژو)
سويله گوروم نه يی يانليًش اويره تديم؟*
*- منی الشديرمک ايسته ين چوخدور،
تئز ده وارديًر کی، آنتی تئزی يوخدور.
1518
آذربايجان تورکو، چوخ "سيته"ن وارديًر،
گوبه لک تکين هر گون بيتن وارديًر،
- ايرانچی نيًن داديًنا يئتن وارديًر،
2- ايرتيجانيًن داديًنا يئتن وارديًر،
نييه جايديًريًجی کيتاب باسيًليًر؟
هانسی کيتابا گلينجه سوسولور؟ (آرازيًن کيًنا)
1519
آذربايجان تورکو، چکمه نازيمی!
ايملا باخيميندان دوزه لت يازيمی!
کوکله گینن چالا بيلیسین سازيمی،
گراماتيک سهويمی قالدیرسان گئدر!
قويدوغوم امکلر اولماسین هدر.
1520
آذربايجان تورکو، من يازديًم سنه، (صاحيب چيًخ!)
سن ده يازيًمی سوناسان وطنه، (اويانيًش مرحله سینده)
يوخسا يازديًغيًم نه لازيًمديًر منه؟
سنين حاققيًن وار یاياسان پيسی ده،** (باساسان)*
يازار گومولر تانيًنسا سسی ده.
*- باسماق = چاپ اتمک
* *- هم سيته لرينده، هم ده ساتيًلاجاق کيتاب شکلينده.
23.07.2011
* * * * * * * * * * * * * * *
آذربايجان تورکو، ندير جاوابيًن؟(۵)
1521
آذربايجان تورکو، نه ائدر آزاد؟
نييه هر شئيين کوکودور ايقتيصاد؟
هانسی ايقتيصاد ائدر ... ياريًم آرواد؟
هر ايقتيصاديًن مولکييت شکلی وار،
هر شکيلدن بللی سيياست دوغار.
1522
آذربايجان تورکو، کيم گليشديرر؟* (اوره تيم گوجلری)
کيم انگل توره دنی الشديرر؟ (...، آرازيزم)
دئوريمی گليشديرن صينيف ياپار،
دئوريم ياپان اتيرديگينی تاپار.
(آراج دا گرچک صاحيبينی تاپار.)**
*- هاردا کی، اوره تيم گوجو گليشر،
اوردا مولکييتين شکلی دييشر.
**- (1523) (اک دير =آرتيًق دير)
(آذربايجان تورکو، کيم قاميًشچيًديًر؟)
(هانسی ديشی چکن گرچک ديشچيدير؟) (آغريًيان ديشی)
(آراجيًن گرچک اييه سی ايشچيدير.) (ايشچی صينيفی)
(اک ده يرينده اييه سی ايشچيدير.) (آراجا اوده نيلن پول)
(بيز هله سوسياليزمه دوشوموروک،)
(واختسيًز تويوقلار تکين ائشينميريک.)
1524
آذربايجان تورکو، "آخداران تاپار."
نييه دئوريمی آنجاق فيکير ياپار؟
نييه فيکری دئوريم ياپمايان ساپار؟ <<<
فيکری دئوريم .... کوله نی ائدر آغا، (موستقيل)
دئير ماليک اول يئتيرديگين باغا. (يئر اکيب- بيچنيندی)
دئير ماليک اول ايتيرديگين باغا. (ال قويولموش يوردونا)
1525
آذربايجان تورکو، کيم ائدر آزاد؟
نييه کوهنه مولکييت ائتمز آباد؟* (انگل مولکييت)
نييه باغيًمسيًز اولماق ايستر آرواد؟
آزادليًق يعنی ضرورتين درکی،**
ضرورتين درکی قورتار تورکو.
شکلی دييشمه ين مضمون گليشمز،
گليشمه ين هدفينه ايريشمز.
*- او جومله دن فئودال ايله سومورگه چی ميللته وئريلن خيراجلا تارلا ايله اولکه ده ياتيًريًلمازلار کی، اوره تيم گوجلری نين گليشمه لرينه يارديًمچی اولالار.
* *- آزادليًق يعنی درک اولونموش ضرورتلرين محصولو:
(۱-) کوهنه و انگل مولکييتلرين اليندن اوره تيم گوجلرينی و
(۲-) حاقسيًز قاصيب و ايشقالچلاريًن اليندن ال قويولموش وارليًقلاری و
(۳-) ايرتيجانيًن اليندن اينسان حاقلاريًنی قورتولوشو.
ائله اونا گوره او جومله دن قورآنداکی آرواديًن ماليکی اری اولما ماليًديًر. آذربايجانيًن ماليکی قاصيب فارسيستان (~ايرانيًن آذر-آذربايجانی – ها ها ها) اولماماليًديًر. کوهنه و انگل مولکييتلر ايله کوله چيلردن و کولگه چيلردن آسيًلی قيًلان مولکييتلرين سيياستلری سوزده وئرديگلری سيياسی آزاد ليًقلاری دا گرکديگی زامان تاپدالايارلار.
چونکو:
۱- ماهييت ده ييشمز، شوبهن اولماسيًن.
۲- سيياست مولکييت شکليندن دوغار.
۳- ديًش دوشمن بوداقدی، ايچ دوشمن کوکو.
۴- کوکو قازيًلمايان هر شئی گويه رر.
1526
آذربايجان تورکو، کيم چاش- باش سالار؟
کيم جهلين کوکونو قازماغا دالار؟
کيم ضرورتلرين سازيًنی چالار؟
آرازيًن هر سوزو کوهنلمز سوزدور، (اسکيمز)
چونکو دوز سوز هر زامان اوچون دوزدور.
1527
آذربايجان تورکو، هانی آرازيًن؟
اوندان هانسی سيته نده وارديًر يازيًن؟
اونسوز نه اويره ده بيلر دايازيًن؟
نييه آرازيزمين ايتيب- باتيًبديًر؟!
اولمايا عومورو سونا چاتيًبديًر؟!
01.08.2011