۱۴۷ - "امنييت" لازيًمديًر "موفته نئفت" اوچون.

"امنييت" لازيًمديًر"موفته نئفت" اوچون.

1457

آچيًلماييًر قاراباغيًن دویونو،

اونودولوب قاراباغيًن سورگونو،

نئفت دوغوروب تورکه بو قارا گونو:   <<<

"امنييت" لازيًمديًر "موفته نئفت" اوچون،

کی يئيه، ايچه، ياتا ميللی گوجون.

1458

تورکو بو گونه قويان نئفتی باتيًر،        <<<

اتی يوخ کی، سومویو تورکه چاتيًر،

سوموک گميرن تورک ده يئيير، ياتيًر:

"موفته نئفت" ايستر کی، "امنييت" اولا،

تورکون يوردو ايشقال آلتيًندا قالا.

1459

سوموک گميرن تورک دئيير آی قوشون!

قاراباغسيًز آذربايجانا دوشون!           <<<

کی يئمک، ايچمک، ياتماق اولا ايشين،

يوخسا باکیًميًز دا ايشقال اولونار،   (ها ها ها)

(ايشقالچيًيا قارشی چاره بولونار.)*

1460

تورک اويناييًر "موفته نئفت"ين سازيًنا،

کی آتشکسين عومورو اوزانا،

"خوش" کئچه قاچقيًن اوغلونا، قيًزيًنا:

قاراباغی نی ساتيًر "امنييت"ه،   <<<

دئيير "امنييت" لازيًمديًر ميللته.

1461

"موفته نئفت" حاق وئرمه يير تورک ساواشا،

کی عومورو ساواشسيًز چاتا باشا،

دوشونمه يه ايتيرديگی ... داغ- داشا:

"موفته نئفت" دئيير دوشونمه گوناها،

ساواشيًن خرجينی خرجله ... ريفاها!*

دئيه لر "آلله عومور وئرسين شاها".

 

   *- روشوت آلان "قوزئيلی" و "گونئيلی" يالتاقلاريًن

       ريفاهلاريًندان سوز گئدير.

04.07.2011