۱۴۶ - خالقی ايستيقلالچی ائدن آرازديًر.
خالقی ايستيقلالچی ائدن آرازديًر.
(شاگيردلری نين يازيًسی دايازديًر.)
(هر شئی اورتاداديًر، اتيب- باتان يوخ.)
1452
اکبر آزاد دئيير گوستر جيسمينی!
بللی ائت آدرئسين ايله ايسمينی!
کی تنقيد ائده بيله سن "رسمی"نی،
يوخسا ايسته رم يازيًن ياييًلمايا!
بيزدن باشقاسی رسمی ساييًلمايا!
1453
هوييتی بللی اولان آيديًن تورک،
داشيًماماليًديًر هئچ بير "ياساق" يوک!
يوخسا قانون دئير اونو دارا چک!
تحصيل ديلينه حاق وئرن ياسالار،
حاق وئرمزلر اکبر بیی آسالار.
1454
اکبر بی آزاد نه دون، نه ده بو گون،
ايستيقلال ايله سئکولاريزم اوچون،
هئچ بير يازيًسيًندا آچماييًب دویون.
ايستيقلال ميللی ايقتيصادان دوغار،
ديل آزادليًغی وئرن چوبان ... ساغار.
فئدئراليست دئير:
قوی اوز ديلينده مله سين، سن ده ساغ!
يوخسا اليندن چيًخار مئيوه لی باغ.
1455
اکبر آزاد ديل ساليًبديًر آشيًنا،
کی يازيًلميًش حاق چيًخا قاشيًغيًنا،
ياسالار بلا آچمايا باشيًنا.
خالقی ايستيقلالچی ائدن آرازدی،*
خالقی سئکولاريست ائدن آرازدی،*
تاخما آديًن يارديًمی ايله يازدی.
*- ميللی- دئموکراتيک مکتبين معماری بالتاجی آراز.
1456
دوشمن تانيًسا آيديًنيًن آديًنی،
آسار "ياساق" يوک داشيًيان آيديًنی،
۱- کی ايستيقلالچی ائتمه يه بودونو،
۲- کی سئکولاريست ائتمه يه بودونو.
(قورتارمايا يوردو ايله ... قاديًنی.)
"ياساق" يوک داشيًيان اولمه مه لی دير،*
هووييتی بللی اولمامالی ديًر.**
*- "کرتنکله"لره قارشی اولوم فيتواسی وئرن موسی نوکرلری
گونتای گنجالپ لار دا اويره نيب- بيلمه ليديرلر.
**- سانسور فيتواسی وئرن "آيت الالله" اکبر آزادلار دا
اويره نيب- بيلمه ليديرلر.
26.06.2011