۱۳۹ - يوردوموزو آنجاق بيرليک قورتارار.
يوردوموزو آنجاق بيرليک قورتارار.
1422
يوردسئورين هم ساغی، هم ده سولو،
بولونمز يوردوم هر ايکی قولو،
سئچه بيلمزلر بامباشقا بير يولو؛
يوردسئورليک هر قولونون دينيدير،
بو سببدن يوللاری دا عئينيدير.
1423
يوردسئور ساغ ايله يوردسئور سولو،
آييًرا بيلمز گله جگين يولو،
يوخسا ايکيسينی ده وورار دولو؛
يوردوموزو آنجاق بيرليک قورتارار،
(سونرا سئچنی سئچيلن "اوتارار".)
1424
ايدئولوژو بللی ائدر حاققی، <<<
وئريلمز حاقلار بيرلشديرر خالقی،
چونکو اوينادا بيلمز باشقا چالقی؛
ايدئولوژو هدفی بليردر،* (ياساما)
سياست اولموش حاقلاری ديريلدر. (اويقولاما)
(ايدئولوژو سياسته هدف بليردر.)
(هدف بليردن ايدئولوژو سيياستی يونه لدر.)
(هر هدفين و قانونون قيًرميًزی خطلری اولار.)
*- ميللتلر ايله صينيفلری اولوم- ديريم ساواشلاريًنا ايتن ايقتيصادی، سيياسی،
سوسيال، کولتورل منفعتلری نين هدفلرينی کشف ائديب، بليردن ميللی و
صينفی ايدئولوژی لر گرکن بوتون داورانيًشلارا يون (ايستيقامت) وئررلر.
هر دوولتين بس- بللی ميللی و صينفی ايدئولوژيلری، و او ميللی و صينفی
ايدئولوژيلرين ده او جومله دن بليرتديکلری بس- بللی سيياسی هدفلری ايله
قيًرميًزی خطلری اولار.
ائله اونا گوره ده اورنک اولاراق گونتای بی گنجالپ يًن سوز ائديگی ادبی-
فلسفی آنلاميًندا "دوشونجه ساواشی" دا او ميللتين و او صينفين يازقيًسيًنی
يازديًران سيياسی هدفلرينه قوللوق ائده بيلمه سی اوچون، او هدفلرين، و او
هدفلرين قيًرميًزی خطلری نین ديًشيًنا چيًخا بيلمز.
نئجه کی ايرتياچی (۱) و ايدئولوژی دوشمنی (۲) اولان (دولاييًسی ايله
سيياسی موبارزه دشمنی اولان) گونتای بی گنجالپيًن ايدئولوژوسو دئيير:
۱- "... بير دين وار، بير ده دين تاريخی.
... آيديًنلانمانيًن اساس وظيفه لريندن بيری ده بوندان عيبارتدير. يانی تنقيد
ائديلن شئی دينين موقددس ديرلری دئييل، دينی قوروم و قورولوشلارديًر،
دينی اينستيتولارديًر." 12.01.2009 گونتای گنجالپ
۲- "ايدئولوژو خسته آداملارين هيزلی ائيلم پلانلاريدير،
فلسفه ساغليقلی اينسانلارين اورتاق دوشونمه يه چاغری پلانیدير. ..."
"هئچ بير فلسفه اينسانی سيلاحلی موجاديله يه دعوت ائتمز، فلسفه ده سيلاحا
يئر يوخدور."
"فلسفه نين طرفداری اولماز، ايدئولوژیلرين طرفداری اولار، طرفدار اولماق
دوشونمه ينلرين ايشدير." گونتای گنجالپ
گونتای بی گنجالپ دا بيلمه ليدير کی، ايدئولوژیک ساواش دا "دوشونجه
ساواشی"ديًر، ولاکين "دوشونجه ساواشی" نيًن ايلگيلی بوتون داللاری ايله
آلانلاريًنی قاپساياجاق چاپدا.
آنجاق ايدئولوژو بيرلشديرر،
هر صينفی اوز يئرينده يئرلشديرر.
1425
فئدئراليست تورک دوشونمز ... بورچالی يا،
بنزه در ايرانی بوتوو خالی يا،*
کوله ليک ائدر ايشقالچی زالی يا؛
فئدرئراليست تورک ايرانچی نيًن قولودور،
گئتديگی يول ايشقالچی نيًن يولودور.
(اينانماسان اوتايدان سون!)
*- پان ايرانيست ضيا بی صدرالاشرافی تکين.
1426
ايستيقلالچی فئدئراليستی قوللانار،
قوللانا بيلديگی قدر "پوللانار"،
باغيًمسيًزليًق ساواشيًنا يوللانار.
فئدئراليستين قازانجی ايرانيًنديًر،
ضرری بوتوو آذربايجانيًنديًر.
1427
موفته قآنيًن وار ايسه دورما، بويور!
يوخسا قيًليًنجيًنی قيًنيًندان سييير!
باغيًمسيًزليًق اوچون دوشمنی دئوير!
بيرلشدير کی، گوجوموزو آرتيًراق،
بيرليکده اولک، بيرليکده قورتولاق.
29.03.2011