۱۳۸ - گويچه لی قارقيًش ائدير آتاميًزا.
گويچه لی قارقيًش ائدير آتاميًزا.
1416
آتاميًز قيًيمادی هئچ بير سئرچه يه،
چونکو حاق وئرمه دی چنلی بئلچی يه؛
دوشمنه قارشی چيًخمادی کوچه يه،
دئدی نسيمی تکين ساواشا دال! (روس سياستی)
"ميصری" قيًليًنجی سات، تاختا قيًليًنج آل!
(پولاد قيًليًنجی سات، تاختا قيًليًج آل!)
1417
آتاميًز خيانت ائتدی گويچه يه،
بورچالی نی فدا ائتدی گورجويه؛
اعتراض اوچون چيًخمادی کوچه يه.
گويچه لی قارقيًش ائدير آتاميًزا،
کی دوشونک بوگونکو خطاميًزا. <<<
1418
آتاميًز ساتيًلدی کلله پاچايا، (نيسبی ريفاها)
دربندی ساتان قوندارما سولچويا؛
اعتراض اوچون چيًخمادی کوچه يه.
ييرمی ايلدير قاراباغ ايشقال اولوب،
کوچه لر بومبوش قاليًب، ائولر دولوب.
1419
آتاميًز ساتيًلدی بوريان بئچه يه
ساتيًلمادی زنگه زورا، گويچه يه؛
زنگه زور اوچون چيًخمادی کوچه يه.
ييرمی ايلدير کوچه يه چيًخان يوخدور،
قاراباغيًن ائوينی ييًخان چوخدور.
1420
آتاميًز ساتدی دربندی نئچه يه؟
ايکی قويون ايله ايکی کئچی يه؛
اعتراض اوچون چيًخمادی کوچه يه.
وطنين ديری اولچويه گلمز،
لئيليسيز هئچ بير مجنون داغی دلمز.
1421 اينانما قوندارما ليدرلرينه!
آتاميًز دولو ياغديًردی قونچه يه،
هم ده چيرکينی بنزه تدی گويچه يه؛
اعتيراض اوچون چيًخمادی کوچه يه.
آتاميًزيًن وئرديگی درسلری گوم!*
کوچه ده باغيًرمايان آغزيًنی يوم!
*- سن ده هر شئيين يئنيسينی يارات! (بيليم، يونتم، آراج.)
اسکی اولچونون تکليندن چيًخارت! (ايدئولوژو)
ييًپرادانلاريًن تکليندن چيًخارت! (اينحيصار)
(کوله چيلريًن تکليندن چيًخارت!)
(يادلاشديًرانيًن تکليندن چيًخارت!)
(ياد سوزجويونون تکليندن چيًخارت!)
(اسکی نسيلين تکليندن چيًخارت!) (کوهنه ...)
(يعنی خالقا آرازيزمينی آرات!)
27.03.2011