۱۳۷ - ايقتيدارا سوزونو کوچه ده دهً!
ايقتيدارا سوزونو کوچه ده دهً!
1410
قاراباغی ايشقال ائتديرن روسدور،
قاراباغيًمی ساتان تورک دييوسدور،
ساتيًلان قاراباغ ميللی ناموسدور،
دون دربند، بورچالی، زنگه زور، گويچه،
بو گون قاراباغ ساتيًليًر "ايليچ"ه. (ويلاديمير ايليچ)
ييرمی ايلدير قاراباغ بيزيم دئييل،*
گئری قايتارماغا دا يوخدور مئييل.**
*- "آد منيم، يار اوزگه نين."
**- ايقتيداريًن عمليندن سور!
1411 *- هر ليدئره اينانما!
چونکو تورک ايناندی هر بير ليدئره،
ناموسونو تاپيًشيًردی حئيدره،
ساتقيًن اوغراتدی بوگونکو قدره.*
تورک سئچديیی ليدئری "تانری" سانيًر، (موقدّس)
بو سببدن... جهننمينده يانيًر.
1412
تورک دوغادا ماتئرياليست اولسا دا،
دونيادان يئددينجی خالی آلسا دا،*
(نوروئژدن سونراکی يئری بولسا دا،)
ايچی- بوش تانريًنی يولا سالسا دا،
تورکون گئتديیی يول دينين يولودور،
چونکو ياراتديًقلاری نيًن قولودور: (دردلرين کوکو)
چونکو سئچديیی ليدئرين قولودور. <<<
1413
هر چالغيًچی اوينايانی اوينادار،
تانری يارادان تانريًسيًن يونه لدر،
(سئچديیی ليدری سئچن يونه لدر،)
ساتقيًن ليدئر اوره کلری گوينه در،
آغليًنی وئرسن ساتقيًنيًن الينه،
بوگونکو يازقيًنی يازار ائلينه.
1414
هر ديکتاتور اوز ائلی نين سوچودور،
هر دئوريم ائل گوجونون سونوجودور،
هر قورخونو گئدرن ائل گوجودور،
ائل دستکله مه ين رئژيم دئوريلر،
يانديًرانيًن کولو گويه سوورولار.
1415
ايقتيدارا سوزونو کوچه ده دهً!
"آ"دان آنلايانا آنلاشيًلار "ز"هً،
سوز دينله مه يه نين سوز حاققيًنی يهً!
آتالار دئميش "ائل گوجو، سئل گوجو."،
ائل گوجو بللی ائدر هر سونوجو.
24.03.2011