۱۳۶ - زنگه زورو ساتانلاری اونوتدوق!
زنگه زورو ساتانلاری اونوتدوق!
1404
زنگه زورو ساتانلاری اونوتدوق!
چونکو خايينی يوردسئور تانيتديًق! (کيملر تکين؟)
خايينی دئويرن خالقی يانيًلتديًق!
قاراباغی ساتان خايين ليدردير،
بوگونکو ايلهام ديًر، دونکو حئيدردير.
1405
آذربايجان روسيانيًن بازاريًديًر،
يازقيًسيًنی يازان روس "سئزار"يًديًر، (چار)
تورکه چکديرديیی روس آزاريًديًر؛
چکيلن درد ايقتيداريًن سوچودور،
روس بازای اولماغيًن سونوجودور. <<<
*- وئريلميش بيلگيلره گوره ۱۹۹۱ دن بری آذربايجانيًن او جومله دن نئفت
و قاز ياتاقلاريًندا لوندوندا اولان بی پی آدلی نئف و قاز فئرمالاری ۳۱
ميليارد دولار مالی (صنايی) سرمايه ياتيًريًبديًرلار. يعنی آذربايجان خاریجی
بازار اولاراق "قرب" سرمايه لرينه ده يئر وئريبدير.
ولاکين "قرب" سرمايه لرينه يئر وئرمه دناونجه کی آذربايجانيًن ميللی
يازقيًسيًنی يازديًران سيلاح و اوره تيم آراجلاری تيجارتی ايله خام مادده
اوره دن بازارلاری اولدوقلاری کيمی هله ده روسيانيًن خاريجی بازارلاری
قالماقداديًرلار.
1406
آذربايجانيًن صنايی سيسته می،
تئکنولوژوسونون نووعی، بيچيمی،
نه ايستيخراخ ائده جک کوله کيمی،
نلر مونتاژ ائده جک کوله کيمی،
روسيا ايقتيصاديًندان آسيًليًديًر،
چونکو ... تراکتورو دا روس ماليًديًر.
1407
خاريجی بازار ائدن مال سيلاحديًر،
سيلاح ساتان يازقی يازان آلله ديًر،
باشقا ماللاری ساتان ظلل الالله ديًر
آذربايجانيًن تانريًسی روسياديًر،
بو سببدن وعده لری نيسيه دير.
1408
آذربايجانی آجليًق بورويوبدور،
آجليًقدان مين بير فساد تورويوبدور،
فساد توره دن رئژيم چورويوبدور.
تورکون ايش گوجونه روس ده ير وئرير،
ماعاشيًمی آرتيًر دئيه نی ... وورور.*
*- تورک سويلو مافياسی نيًن الی ايله وورور.
1409
آذربايجان آنجاق آدام قاييًريًر،
ياراديًجی ايسته گيندن آييًريًر،
اوزگه يه مونتاژ ائتمه گه چاغيًريًر.
(اوزگه کوله سی اولماغا چاغيًريًر.)
باغيًمسيًز اولماق ايسته سن دئوريم ياپ!
يوخسا دئوريمه زمين يارادان تاپ!*
*- ~آذربايجانا دستکچی لازيًمديًر.
23.03.2011