۱۳۴ - بايراغيًميًز يوز مئتره آلچاليًبديًر.

بايراغيًميًز يوز مئتره آلچاليًبديًر.

 (اوتانماق دا ياخشی شئيدير.)

1393

کيم دئيير بايراغيًميًز اوجاليًبديًر؟!

چونکو روسيا آغليًميًزی چاليًبديًر،

بايراغيًميًز يوز مئتره آلچاليًبديًر،

چونکو قاراباغدا اسن فيًرتيًنا،

بايراغيًميًزی گوموب يئر آلتيًنا.

(مئتره =مئتر)

1394

چونکو ايشقالچی قاراباغی آليًب،

گومدویو بايراغيًميًز درده ساليًب،

اوتوز مئتره يئرين آلتيندا قاليًب.      (31-)

اوزه چيًخماييًبديًر يئر آلتيًنداکی،

کی يئتميش مئتره ده اوجالدا باکی.    (69+)

1395

يئتميش مئتره ساپی اوزانميًش بايراق،

چکيلن تيرياکدير، ايچيلن آراق،         (جاهيللر اوچون)

آغيًل اويوشدوران دوغورماز ماراق.

آغلی يئتميش مئتره اولان بير ميللت،

يارادماز اوزونه يوز مئتره ذيللت.

1396

روس مافياسی دئيير کی، تورک جوجوقدور،

سوموکلری برکيمه ميش سوجوقدور،

بزک اوچون قوللانيًلان مونجوقدور،

تورک بويوک اوغلان اولماييًبديًر هله،*

کی ... قاراباغيًنی قورتارا بيله.

 

  *- روشوته ساتيًلميًش آغيًزلاردان سوز گئدير کی،

      يازديًغيًم بو يازيًلاردان سونرا دون دييشديرمک

      زوروندا قالاجاقلار کی، تانيًنماسيًنلار.

    - اينانماسان آرازيًن يازيًلاری نيًن نتيجه سينده

      دون دييشديرنلردن (.............) سور!

1397

روس مافياسی رذيل ائديب خالقيًمی،

اليمدن آليًبديًر ساواش حاققيًمی،

بويکوتچولاری بوغوبلار نيطقيمی،

بايراغيًميًن ساپيًنی اوزالديًب کی،   (اوزونو يوخ)

بويوک گوزوکه آلچاق رسمی باکی.

 

وورون ساتقيًنی اوجالدان آلچاغی!

ييًخيًن اوشاقليًق ائدن اويونجاغی!

17.03.2011