۱۳۳ - يوردوما اونجه قاراباغ لازيًمديًر.

يوردوما اونجه قاراباغ لازيًمديًر.

1386

روس مافياسيًندان يانا سيياسی تورک،*

دئيير هم آوتوبان چک، هم بينا تيک!

هم ده ايلندير کی، اولا "کئفی کوک"،    (قئيرتسيز)

قاراباغی اونوتدوران يولو گئت!

ايشقال ائتديرن روسيايا قوللوق ائت!

1387

*- (تانيًديًنمی ساتقيًنا قوللوق ائدن دوشمانلاری؟)

    (آرازی بويکوت ائدن روشوتچی قهرمانلاری؟)

    (سن ده اوزلرينه قايتارماليًسان يامانلاری؛)

    (يعنی آرازيزمين داديًنا يئتيش!)

    (يوخسا سن ده بويکوتچو ايله اوتوش!)

1388

اوتاييًن دوردده بير بولومو باتيًب

چونکو ساتقيًن ايقتيدار کاما چاتيًب

بو سببدن اوردوموز يئييب- ياتيًب

ساواشيًن خرجی خرجلنير بولگه يه

کی قاراباغ قيسمت اولا اوزگه يه

1389

ايقتيصاد جنگه قوللوق ائتمه ليدير

ساواش جبهه لرينه گئتمه ليدير

اوردوموزون داديًنا يئتمه ليدير

ايلنمک اوچون تيکيلن بينالار

قاراباغی قورتارمازلار زورنالار

1390

يوردوما اونجه قاراباغ لازيًمديًر

سونرا ياغسيًز آشيًما ياغ لازيًمديًر

شه هرده زاوود، کندده باغ لازيًمديًر

توريستلر اوچون تيکيلن بينالار

قاراباغی قورتارمازلار سونالار

1391

تورکون دردی ايتيريلميش توپراقديًر

تورپاغی گئری قايتاران ياراقديًر

ياراغی قوللانان ميللی ماراقديًر

ايقتيصاد ساواشا حسر اولماليًديًر

اولدورن- درده چاره بولماليًديًر     (هاچان؟)

1392

ساتمارام قاراباغيًمی بونلارا؛

يئنی ياپيًلميًش نه ... آوتوبانلارا،

نه ده توريستسل هر جور مکانلارا.

يوردومو صولحه ساتانی ساتارام،

ساواش ايله هدفيمه چاتارام.

16.03.2011