۱۳۰ - يازقيًسيًنی روسيا يازان تورکه سور!

يازقيًسيًنی روسيا يازان تورکه سور!

1368

باکی نيًن يازقيًسيًنی روسيا يازيًر      (رسمی باکی)

يازقيًسيًنی روسيا يازان تورک آزيًر

اوز الی ايله اوزونه گور قازيًر

روس مافياسی ميللی قئيرت اولدورور

هم ده تورکون ساققاليًنا گولدورور

1369

يازقيًسيًنی روسيا يازان تورکه باخ

دئيير يازيًلی حاقلاری يانديًر، ياخ

قاراباغ فرياديًنا وئرمه يين حاخ

چونکو روسيا درده ساليًب باکی نی

قورتارا بيلمه يه ... خويو، ماکی نی

1370

يازقيًسيًنی روسيا يازان تورکه گول

باشيًنا توپلاييًب بير سورو "بولبول"    (يالتاق شاعير)

کی کوزلری يانديًريًب، ائده لر کول

دئيه لر ايقتيدارا ... اولما ياغی

ايقتيدار "قورتاراجاق" قاراباغی

1371

يازقيًسيًنی روسيا يازان تورکه سور!

سيزدن باشقا کيم ائديبدير بيزی کور؟

کيم قازيًبديًر قاراباغيًميًزا گور؟

قيًرخ ايل خيانت ائتدينيز وطنه،    <<<

يازيًق باتيًرديًغيًنيًز بو کفنه.

1372   *- ايش بولگوسونه گوره.

يازقيًسيًنی روسيا يازان تورکه سور!

هانسی قانون دئييب کی، خالقيًمی بور؟

او قدر بکلت کی، اعصابيًنی يور؟

تورک سويلو روس مافياسيًنا دوشن ايش*

مورال اولدورمک اولوب کی، ائده باش

1373

يازقيًسيًنی روسيا يازان تورکه سور!

هانسی قانون دئييب کی، بيًغلاری بور؟

قاراباغدان يانا آکسييانی وور؟

ايقتيدار خالقی دويور کی، سوسدورا

ايشقالچی ائرمنی ده قان قوسدورا

1374

يازقيًسيًنی روسيا يازان تورکه سور!

هانسی قانون دئييب کی، هم اوردو قور،

هم ده دوشمنه قارشی قوللانما زور؟

اوردو وارمی کی، يئيه، ايچه، ياتا،

قاراباغی ييرمی ايل درده باتا؟

 

بو سببدندير کی، قوزئيده ده دئوريم گرکير.

08.03.2011