۱۲۹ - باغيًمسيًزليًق فدا اولماز ائتنيکه

  باغيًمسيًزليًق فدا اولماز ائتنيکه

فئدئراليزمين دردی بورولموش ديلدير،

ايستيقلاليًن دردی باغيًمسيًز ائلدير.

1361

باغيًمسيًزليًق فدا اولماز ائتنيکه*

ستراتئژيميز ساتيًلماز تاکتيکه

باغيًمسيًزليًق لازيًمديًر يئرلی تورکه

کوچمن تورک ائتنيکينه ديل لازيًمديًر

آرخاسيًندا باغيًمسيًز ائل لازيًمديًر**

   *- فارسيستان تورکونه

 **- موستقيل آذربايجان

1362       *- ديل دئوريمی

باغيًمسيًز اولدوقدان سونرا يئرلی ائل

آنجاق تورکچه اوخوماليًديًر بير ايل*

بير ايلده اويره نيله بيلر هر ديل

بير ايل تورکجه يه فدا اولماليًديًر

ادبی ديلين يئری دولماليًديًر

1363

باغيًمسيًزليًغيًن ايچينده ديل ده وار

يازقيًسيًنی اوزو يازان ائل ده وار

بوتوولشجک خوی ايله ميل ده وار

البتته "حاق وئريلمز کی، آليًنار."*

يوخسا حاققيًن دا حالواسی چاليًنار

 

   *- فئدئراليزم وئريلر، ايستيقلال آليًنار.

1364

ميللی دوولتينی قورا بيلن تورک    (ايراندان آيريًلار)

دئير ايرانچی ائدن تورکلردن هورک

(دئير دوشمنسئور ائدن تورکدن اورک)

تايلارا بولموش اورتا دوواری سوک

اوزگه نی آت کی، اوزون ايله بيرلش

اوز خالقيًن، اوز صينفين ايچينده يئرلش

1365

تايلاريًميًز بير- بيری نين اوزودور

بوتوولشمک اوره یی نين سوزودور

اوره ک يانديًرمايان قويون- قوزودور

بوتوولشمه ين هر وارليًق داغيًلار

بوتوولویون دوشمنيدير ياغيًلار

1366

دئوريمچی اوز يازقيًسی نی يازانديًر      (... کوکونو کسر)

رئفورميست اوز قبيرينی قازانديًر     (... قول- بوداق کسر)

ايچی- بوش وعده پئشينده گزندير      (... اوتای ده نه دی)

دئوريمچی تورکلر ايستيقلالچيًديًرلار

رئفورميست تورکلر فئدئرالچيًديًرلار

1367

بو سوزلرين ايچينده هم ديليم وار

هم سيياسی، هم فلسفی بيليم وار

هم ده ايشاره دن قانان ائليم وار

هر دوولتين قيًرميًزی خططی اولار

ايدئولوژودان آنلاماز ... داوار.

07.03.2011