۱۲۸ - ساتقيًنلاری آيدا يوخ، يئرده آرا!
ساتقيًنلاری آيدا يوخ، يئرده آرا!
(آرازيًن هر يازيًسی بير آچارديًر.)
1352
ييرمی ايل حاضيًرليًق ياپديًم کی يازام
... گئريچیليگين مزاريًنی قازام
حاضيًرليًق قويمادی ايله نم گزه م
آنجاق پنير- چورک قازانديًم يئديم
بوندان آرتيًق مندن اومماييًن دئديم
(اوولاديًم آنتی آذربايجان اولوب)
(چونکو يوخسولوقدان ساراليًب- سولوب)
1353
ييرمی ايل حاضيًرليًق ياپديًقدان سونرا
قيًلی توکدن سئچيب- قاپديًقدان سونرا
يازما مهارتی تاپديًقدان سونرا
اويرنديکلريمی اون ايلده يازديم
نه موتلو کی، نه آلدانديًم، نه آزديًم
1354
من خالقيًمی اويادمادان ياتماديًم (... نلرين بهاسيًنا؟)
من توپوغا ده ين داشی آتماديًم
من ساتقيًنی ايچيميزه قاتماديًم
قويماديًم ايلکه لری چئينه يه لر
خالقيًميًن يازقيًسيًيلا اوينايالار
1355
ضرورتدن دوغولان ايستک، آرزی
دئير بوتوولشديرين خان آرازی
البته دوشمنيميز اولماز راضی
دوشمن ايستمز کوله سی گوجله نه
دوشمنسئور ائدن گرک سوچلانا
*- آذربايجانيًن ايستيقلال و بوتوولوک حاقلاری
سيياسی حاقلار دئييلديرلر، دوغال حاقلارديًرلار.
1356
"ائل گوجو سئل گوجو" دئييب آتالار
ضرورتلره باش اييب آتالار
گرکنده کفن گئييب آتالار ("حاق وئريلمز، آليًنار.")
دئييب "آغلامايانا سود وئرمزلر"
سوندورولموش لامپايا خود وئرمزلر
1357
اوتای آيريًلدی بوتايا قوووشا
آيريًليًغيًن عومرو چوخ تئز سوووشا
کی اوز خالقی اوزو ايله يوووشا (قايناييًب- قاريًشا)
ساتقيًن، دوشمنين سازيًنا اوينايار
اوزگه لشديرن قازاندا قاينايار.
(ايرانچی نيًن قازانيًندا قاينايار)
1358
من تانيًتديًم ايچ و ديًش دوشمانلاری (۱)
تابولاشديًرماديًم ... قهرمانلاری (۲)
اوزلرينه قايتارديًم ... يامانلاری (۳)
من اينجيتمه ديم کی، اينجييه کديم
دييوسلوق ائدنلره دييوس دئديم (۴)
(ناموسومو ساتانا دييوس دئديم.)
1359
باشيًنی ککليک تکين گوممه قارا
ساتقيًنلاری آيدا يوخ، يئرده آرا (سيياست مئيدانيًندا)
ساتقيًنی بنزه تمه سهولی يارا <<<
بوگونکو ساتقيًنلاری بو گون تانيًت
يوخسا اويرتمن اولدوغونو اونوت
1360
دوغرو بولماديًغيًن يولو تنقيد ائت
تنقيد ائده بيلمه ديگين يولو گئت (آرازيزمی)
سوز دينله مه ين آللاهليًغيًنی ديت؛
دئمه کی، منيم "آش"يًم يوغورتلودور
يئسن ده، يئمه سن ده حاققيًن بودور.
28.02.2011