۱۲۵ - تهران باکی يا باشقا يول آراديًر.

تهران باکی يا باشقا يول آراديًر.

چونکو ايقتيداريًن اوزو قاراديًر،

1327

تهران روس مافياسی نيًن فارس قولودور

تورک قولو تکين روسيانيًن قولودور

گئتديکلری يول روسيانيًن يولودور

چونکو ايقتيداريًن اوزو قاراديًر

تهران باکی يا باشقا يول آراديًر

روس مافياسيًنا دينچی قول ياراديًر*

 

   *- آذربايجانيًن قوزئيينده.

1328

روسيا ايکيله يير روس مافياسيًنی

دييشديرير شکلينی، بوياسيًنی

کی سوندوره گونئی ين ضيياسيًنی

روس مافياسی دينچی قولونو قورور

تهرانيًن الييله ايشينی گورور

1329

تهران پول ايله ايشسيز تورکو آليًر          (قوزئيده)

مککه خرجی ده وئرير، يولا ساليًر         (قوزئيده)

بوشالديًغی بئيينده قاتيًق چاليًر       (گونئيه دوشونمه سين)

کی بيرينجی روس مافياسی چوکنده

ايکينجی روس مافياسی چکه بنده

1330

باکی- تهران بير بئزين قيًراغيًديًر

سومورگه چی روسيانيًن ياراغيًديًر

قاراباغ ايچديرديگی آراغيًديًر

روس مافياسی نيًن شاهی ساتيًب- سووار

اعتراض ائدنی ... مئيداندان قووار   (...)

1331

آذربايجانلی نيًن ديًش دوشمنی وار

بيری روسياديًر کی، تورکو ائديب ... خار

دئيير قاراباغ اوچون "مينسک"ه يالوار

"مينسک" ايستر ... ايشقاليًن عومرو اوزانا

ايشقالچی نيًن بازاريًنی قازانا

1332

روس مافياسی بيله رکدن جاييًبديًر

روشوتين آديًنی "حورمت" قويوبدور

دئمک "سايقی" نيًن جانيًنا قيًييًبديًر

پيسليکدن بسله نن بو روس مافياسی

ايستر توکوله خالقيًميًن حياسی

1333

باکی نيًن اونيوئرسيته اوستادی

هم دوولتدن آليًر امک اوجرتی

هم ده اويرنجيدن آليًر روشوتی

باخ بو ناموسسوزلوغوق لاپ اوزودور

سببی روشوت وئرنين ... قيًزيًديًر

1334

روس مافياسی مقامی پولا ساتيًر

روشوتچی صدری مافياسيًنا قاتيًر

حاققيًندان روشوت وئرن کاما چاتيًر:

آد قازانديًرسيًنلار دئيه حقيره   (ايقتيدارا)

يارديًم ائديرلر بير نئچه فقيره

ياريًسيًنی يئديريرلر پولگيره*    (صدره)

   *- ~سوسيال يارديًميًن اونجه کی آلتی آييًنی.

1335

روس مافياسی ساغلام عومور سورمه يير

روشوت آلمادان هئچ بير ايش گورمه يير   <<<

روشوت وئرنين اوستونه هورمه يير

خالقی ساغلام ياشادان حياسيًديًر

حياسيًزلاشديًران روس مافياسيًديًر  (تو!)

1336   *-  432- نجی صحيفه يه باخ!

آذربايجانلی نيًن آجليًق دردی وار

روشوتچی آيديًنی ائديب اونو خار

دئيير ... ريفاه اوچون ايلهاما يالوار*

ان ياخشی رئفورم قول- بوداغی کسر

ظولمون کوکونو کسمه ين قان قوسار

 

شراييط حاضيًرديًر ميللی عوصيانا،

چونکو قاراباغ دا گليبدير جانا.  <<

1337

ريفاهسيًز آذربايجانلی چورويور

سوسوزلوقدان گول- چيچه گی قورويور

يوخسوللوقدان فساد يوردو بورويور

روس مافياسی اولکه ميزی چاپديًريًر

روشوتچی آيديًن دا خالقی ساپديًريًر

1338

تورکييه تورکو شان قازانيًر تورکه

آذربايجان تورکو دوشوب پيس کوکه

چونکو آيديًنی بولاشيًبديًر ... چيرکه*

يالتاق آيديًن يًن محصولو ساتيًلار

(ساتقيًن آيديًن يًن محصولو ساتيًلار)

هر ميللت آيديًنی ايله دارتيًلار.      (اولچولر)

1339

قاراباغی اونودان جنابلار!

دوغرودور،نئجه کی، "عاريف ايشاره دن

قانار"، ائله جه ده روتبه ايله روشوته ياشايان

دوزاقچی آيديًن دا باشقا جور دوشونر.

01.02.2011