۱۲۰ - قاراباغ اوچون هر کس باش قالديًرار.
قاراباغ اوچون هر کس باش قالديًرار.
1296 جناب علی بی کريملی!
اينگليز هينديستانی ساتماميًشدی
قونشو تورپاقلاريًنا قاتماميًشدی
قاندی نيًن يوردو ايتيب- باتماميًشدی*
1- "آد سنين، يار منيم" دئين ياغی وار**
2- دينج ساواشی آشيًلايان ياغی وار
تورکون ايتيرديیی قاراباغی وار.
*- سيلاح ايله آليًنان سيلاح ايله گئری قايتاريًلا بيلر.
**- او جومله دن بوگونکو هينديستان و بنزرلری (...)
سومورگه بيچيملرينی يئنيلشديرن ايمپئرياليستلرين
سومورگه لری دئييللرمی؟
(هيند ميللتينه وئريلن ايراده حاققی دئييل، ايداره حاققيًديًر.)
1297
تورکون قاراباغی ايتيب- باتيًبديًر
چونکو باکی سی اوزونو ساتيًبديًر
بسله ديیی اوردو يئييب- ياتيًبديًر
بير ميليون قاچقيًنی اوردو سوسدورب
ييًخديًغی دوولتينه قان قوسدوروب
(ايناماسان، صورت حوسئينوودان سور!)
1298
اونجه يوردو، سونرا خالقی قورتولار (ديققت!)
يوخسا ايشقال اولموش بولوم قيًرتيًلار
قاچقيًن قاديًنی نيًن قارنی ييًرتيًلار (ييًرتيًلمادیًمی؟)
اورتاق مال اوچون هر کس باش قالديًرار
(قاراباغ اوچون هر کس باش قالديًرار)
ايذين وئرمه يه نی تاختدان سالديًرار
1299
آکسييا اوچون ايذين آلماليًييًق
هر هفته کوچه لره دالماليًييًق
قاراباغی يادلارا سالماليًييًق
دوولت ايتيرر آلداتديًغی خالقی
آکسييايا وئرمه سه ايذين حاققی
1300
قاراباغ آکسيياسی گوجلنديرر
آکسييا دوشمنيًنی سوچلانديًرار
ايچ دوشمن اولاراق سونوجلانديًرار
قاراباغ آکسيياسی نيًن دوشمانی
قازانار خالقيًندان ان پيس يامانی
ايفشا ائتمه گين گليبدير زامانی
1301
قاراباغ آکسيياسيًنا ايذين آل!
خالقی کوچه لرده اويادماغا دال!
اوردونون سهولرينی باشا سال!
"هئچ بير آنا بير قاريًش توپراق دوغماز"*
کيمسه يورد ارینی اولدورمز، بوغماز.
*- بويوک آتاتورک
07.07.2010