۱۱۸ - روس مافياسی قاراباغی قورتارماز.

روس مافياسی قاراباغی قورتارماز.

1273

يوردونا گيرن ائوينه ده گيرر   (...)

ناموسسوزلوق ناموسو الدن وئرر

هر کس اکدی یی محصولونو ده رر

بونلار اولايلاريًن سونوجلاريًديًر

قئيرت اولدورنلرين سوچلاريًديًر

 

("منه نه؟" دئينلرين سوچلاريًديًر)

"ميللت نئجه تاراج اولور- اولسون، نه ايشيم وار؟!"

آتاميًز ميرزه علی اکبر صابير

1274

ساتقيًنا دييوس دئمه يک، نه دئيک؟!

آجاندا يئمک يئمه يک، نه يئيک؟!

سويوقدا پالتار گئيمه يک، نه گئيک؟!

ادبسيز من دئييلم کی، ساتقيًنديًر،

دييوسو تانيًتماق سنين حاققيًنديًر.

1275

بوگونکو دوولتيميز ميللی دئييل

منه بلليدير، سنه بللی "دئييل"

چونکو دردين درديمين حللی دئييل

هر کس قصب اولموش يوردونو قورتاريًر

روس قولو تورک اوز قارنيًنی اوتاريًر

 

"آنجاق منيم آوازه ی شانيًم اوجالانسيًن،"

ميرزه علی اکبر صابير

1276

ساتقيًن ايستر قصبين عومرو اوزانا

ايشقال ائتديرندن دستک قازانا

قوللوق ائده يازقيًسيًنی يازانا*

بوگونکو دوولتيميز روس قولودور

گئتديگی يول آغاسی نيًن يولودور

 

   *- ساتيًرام کی، شاه اولام،

       ساتقيًنليًق پايی آلام.

1277

روس پايلاييًب آذربايجانی يادا

آجيًماييًب تورکه آييد بير ذادا

بو گون ده قاراباغی وئرير بادا

دونيا تورکو دييوس ديرلنديرير*

ناموسلو خالقيًمی ... قه هرلنديرير

      *- هاچان اوتاناجاقسيًنيًز؟

1278

روس مافياسی قاراباغی قورتارماز

قويون اولمايانی کيمسه اوتارماز

دردلری نين اوستونه درد آرتيًرماز

ناموسلو وطن اوغروندا باش قويار

شرفسيز ميللی سنگری بوش قويار.*

 

 *- "موخاليفت"دن سوز گئدير.

16.06.2010