۱۱۷ - ناموسو اللرده قالان ايلنمز.
ناموسو اللرده قالان ايلنمز.
شاميًن پروانه سی، گولون بولبولو،
سئوگی نين صولحو ائدر ياديًن قولو.
1268
دئيير يئردن يوخ کی، گویدن دانيًشيًن!
آغلی زه هرله ين "می"دن دانيًشيًن!
جهلين ياراتديًغی شئيدن دانيًشيًن!*
کی جيب کسن کوکمر سئييدلری،
دره يه بوراخالار مئييتلری.
(جليل موناجات واختيًديًر.)
*- جليل محممدقولوزاده نيًن بوگونکو
"ضييالی" دوشمنلريندن سوز گئدير.
1269
دئيير گول ايله بولبولدن دانيًشيًن!
خالقيًما کارسيًز سونبولدن دانيًشيًن!
يالتاغيًن عشقی اودولدن دانيًشيًن!
بودور ساتقيًن شاييريميزين دردی،
کی توپلومدان آييًرا بيله فردی.*
*- دئييرلر: "سياسته قاتيًلما کی، مريم تکين "باکيره" قال!"
1270
دئيير موملا کپنکدن دانيًشيًن!
نازلی- قمزه لی ملکدن دانيًشيًن!
کيشيسل آرزو- ديلکدن دانيًشيًن!
کی خالق دوشونمه يه ميللی دردينه:
ايشقالچی الينده قالميًش يوردونا.
1271
دئيير صولح ايله سئوگيدن دانيًشيًن!
ميللی نيفرتی گوممه يه چاليًشيًن!*
(صينفی نيفرتی گوممه يه چاليًشيًن)
ايشقالچی نيًن ظولومونه آليًشيًن!
(ظاليم صينفين ظولومونه آليًشيًن!)
ناموسو اللرده قالان ايلنمز،
ايلنديرنه "ناموسلو" سويلنمز.
(هاچان اوتاناجاقسيًنيًز؟)
*- جورعت ين قايناغی نيفرتدی، کيندی،
(بيزيم بومباميًز نيفرت ايله کيندی،)
بيليک لی کين ين گوجو بيره ميندی.
دئوريمچی تئوروسوز دئوريم اولماز،
بيليک سيز دويغو دوغرو يولو بولماز.
1272
دئيير اويرتمه مک اوچون دانيًشيًن!
يوزئيسل اولاراق ايشه قاريًشيًن!
سببلری گيزلتمه يه چاليًشيًن!
ايفشا ائتمه يين روس قولو دوولتی،
کی ايستر اولدوره ميللی قئيرتی،
پای- بولوش اولموش اولا مملکتی.
13.06.2010