۱۱۶ - هئچ بير ديل يوردونو قورتارا بيلمز.
هئچ بير ديل يوردونو قورتارا بيلمز.
1263
هر کوچمن اوز وطنينی ايتيرر
ايتيردی یی نين سوزونو بيتيرر
کوچدوردويو ديلده اوولاد يئتيرر
فارسيستان تورکونون سورونو ديلدير
کوچمنين سئودی یی "وطن" ياد ائلدير*
*- قوربت
1264 *- اينانماسان اوتاييًميًزدان سور!
کوچمن تورکون يوردو يوخدور، ديلی وار
يوردونا گوز تيکنی هر کس قووار
ديل حاققی وئرن چوبان ... ائدر داوار*
هر کسين قرار وئرمک حاققی وارديًر
اوزگه نين يوردوندا ياشاماق عارديًر
1265
آزاد اولموش ديلين آغزی باغلانار*
چونکو تحصيل ائتمک حاققی ساغلانار
قورتولموش اولکه هر دالدا چاغلانار
کوچمن تورک ايستر ديلی آزاد اولا
يئرلی تورک ايستر ائلی آزاد اولا**
*- تورک ديلينده مدرسه،
وئر کی، سسينی کسه.
(فارسيستان تورکوندن سوز گئدير.)
**- يوردو، اولکه سی
1266
کوچمنی سورگونه بنزتمه گئنه
سورگون قويماز کی، وطن عشقی سونه
چونکو ايستر يوردونا گئری دونه (نئچه فاييزی؟)
يوردو آنجاق باغيًمسيًزليًق قورتارار
ديل حاققی درد اوستونه درد آرتيًرار <<<
1267
باغيًمسيًز يوردون ديلی آزاد اولار
تالانماديًغی اوچون آباد اولار
يوردسئور ميللتی خالقی شاد اولار
هئچ بير ديل يوردونو قورتارا بيلمز
قويون چوبانيًنی اوتارا بيلمز.
ميللتی سيياسی دئوريم قورتارار،
کولتوره ل دئوريم، گوجونو آرتيًرار.
کولتور ياخشی اولمايانی پيسله ير،
سيياست پيسی گوممه يه سسله ير.
(آراز گونتای بی گنجالپی ديًغلاتما!)
(فئدئراليزمين آناسی نی آغلاتما!)
سيياست اگمنليک دآوآسيًديًر،
آرازيزم جانلانديًران هاواسيًديًر.
آرازين سيياسی- فلسفی شئيری،
بولاجاقديًر اوزونه لاييق يئری.
04.06.2010