۱۱۵ - آی "نامرد" ضيا بی صدرالاشرافی!
آی "نامرد" ضيا بی صدرالاشرافی!
(27.02.2010گوناز تيوی)
توپراقدان پای وئريلمز.
بويوک سهوه يول وئريلمز.
آغساققالا باج وئريلمز.
آغيًل ياشدا اولماز، باشدا اولار، ساتيًلماز باشدا.
"أششیی مينرلر، آلچاغيًنی اوشاق دا مينر."
1251
تاکتيک هدفيندن آسيًلی اولار
هدفينه چاتديًران يولو بولار
دوستون ضررلی قاناديًنی يولار
يوخسا ضررلی دوست کوتله نی بولر
بولونموش کوتله نين بيرلی یی اولر
1252
ضررلی دوست دوشمنه قوللوق ائدر
کوتله سی دوشمنين يولونو گئدر
خيانت ائدر ساپديًرديًغی قدر
دوشمنين گوره بيلمه دی یی ايشی
ضررلی دوستلار گوررلر "آ کيشی!"
1253
دوشمن ساپديًرديًغيًنی ساپديًريًبديًر
ضررلی دوست دا بير آز قاپديًريًبديًر
چونکو او دا آتيًنی چاپديًريًبديًر (گوناز تئوئده)
ضررلی دوست دا آنتی تورک اولوبدور
تورکون دوشمنلرينی دوست بولوبدور
1254
آی ضيا صدرالاشرافی یهً "نامرد"!
آذربايجانا کورديستان دئين کورد
دوشمن دئييلسه نييه چکديرير درد؟
کورد فارسا دئيير گئری چک اوردونو
کی من ايشقال ائديم تورکون يوردونو
1255
کيم دئيير ضيا بی "بويو بسته" دير؟
ضيا بی خايين دئييلسه خسته دير
ايشقالچی کورد ضيا بی ين دوستودور
ضيا بی ين دوشمنی ... آنکاراديًر
چونکو تربيزين اوميدی ... ياراديًر
1256
فارس تورکون دورد قيياميًنی باسديًريًب
تورکو دار آغاجلاريًندان آسديًريًب
کوله ائتدی یی تورکه قان قوسدوروب
ضيا بی ين اوره یی فارسا يانيًر
باکيًنی آنکارانی دوشمن سانيًر
قورتاريًجی تورک اوردوسونو دانيًر
1257 *- اولوم- ديريم شاواشی.
ضيا بی ايسته يير تورکو تکله يه،
تورکو تورکون دوشمنینه اکله يه،
ايرانی تورکون بئلينه يوکله يه.
هدفی تاريخی ضرورت دوغار*
يولوندان ساپان تاکتيکينی بوغار.
*- ضيا بی دئيير: "منيم هدفيمی سيياسی اينتيخابيًم (سئچيميم)
بليردر."
1257-2 خيالچی ~ايده آليست
اوره تيم گوجلری نين گليشمه سی
گليشديرن فورمايا ايريشمه سی:
مولکييت فورماسی نيًن دييشمه سی* (ميللی مولکييت)
سيياسی دئوريمی ضرورت قيًلار
خيالچيًلاريًن ساققاليًنا گولر.
*- کوهنه شکلين ايچينه سيًغماياجاق حدده گليشميش اولان ايلگيلی اوره تيم
گوجلری نين گرکديردی یی ميللی اينقيلاب سومورگه چی بيچيم آلميًش و
اينکيشافی انگلله ين مولکييت شکلينی (حاققيًنی) ميلليلشديرر.
سوسياليستی اينقيلاب اوزللشميش مولکييت حاققيًنی توپلومساللاشديًرار.
1258(ايذين وئرمه دونونو دييشديره!) (دون باشقا، فکير باشقا.)
آی يوردسئور آذربايجانلی آييًل!
ضيا بی اوچون اوتای وطن دئييل*
اونو مانقورت ائديب ايرانچی مئييل
ضيا بی دئيير بوراخيًن اوتايی
آجيًييًن کی، نييه درد اولموش پايی
*- بولونمز ميللتين ميللی مولکييت حاققی بولونمزدير.
1259 *- سيياسی مئييلينه گوره. (تو!)
ضيا بی اوتايی يوردو بيلمه يير*
بو سببدن گوزياشيًنی سيلمه يير
دردينه يانديًغی اوچون گولمه يير
ضيا بی ين آنجاق اوره یی يانيًر
اوتاييًن وطن اولدوغونو دانيًر*
1260 *- پيشه وری نين ائلچيلرينی
ضيا بی تکله مک ايسته يير تورکو
دئيير خوی "تويوق"دور، آنکارا "تولکو"
آنکارا اولدوتدوردو اوچ بويوکو*
ضيا بی بير سهوينی آليًر اله
کی آنتی تورک دامغاسی وورا ائله
1261
ضيا بی دئيير اوتايا اينانما*
پيشه وری نين قاتيلينی آنما
اون بش مين اينه یی يئيه نی دانما
ضييا بی روسچودان نه بکله ييری؟
نييه خالقيًن بئلينه يوکله ييری؟
1262
خريطه دئيير کی، کورد ايشقالچیًديًر
ايشقالچيًنی داشيًيان آشقالچيًديًر*
کيم او قورولتای اوچون مشعلچیدير؟**
مشعلچيسی ضيا "صدرالعموم"دور (هاهاها)
اويه سی "فئدئرال- دموکرات" قورومدور.
*- فارسجا آشقالچی، تورکجه زيبيلچی
**- ايرانيًن فئدئرال ميللتلری نين قورولتايی
"کنکرهً ملل فئدرال ايران"
01.03.2010