۱۱۴ - داشناق ائرمنی هيتلری ديريلتدی.
داشناق ائرمنی هيتلری ديريلتدی.
1241
قاتيل ائرمنی هيتلری ديريلتدی
26 فئورالی دا کوورتدی
خوجاليًدا سوی قيًريًمی توره تدی*
يئتيمه وای- وای دئين تورک چوخ اولدو
قاندا بوغولدوغو زامان يوخ اولدو
*- آغلاماغی بوراخ! نه ائتمه لیييک؟
1242
اينانما سئچدییين ليدرلرينه
دونکو و بوگونکو حئيدرلرينه
وعده لری ايله "کدر"لرينه (اويونلاريًنا)
تورکو بو گونه قويانلاری دانما
تورکون "آغساققال"لاريًنا اينانما*
*- آغيًل ياشدا اولماز، باشدا اولار. ساتيًلمايان باشدا.
1243
"قيًزيًل" اوردونو قووان او قئيرتی
خوجاليًدا يارانان او نيفرتی
ايشقال آلتيًندا قالان مملکتی
اولدورن، آغلادان ليدرلريندير
دونکو و بوگونکو حئيدرلريندير
- اللی ميليونلوق دونيا آذربايجانلی سيًندان، دونيا تورکلری بيرلی یيندن،
قاراباغ اوچون موحاريبه دن گئدن دانيًشيًقلار آلداديًجی اويونلارديًرلار.
- داشناق ائرمنی تورکون جيسيمينی اولدورور. روس قولو تورک تورکون
ميللی کيمليگينی و ميللی وارليًغيًنی قورويان ميللی منلی یينی (ميللی قئيرتی نی)
و ميللی موراليًنی (قاينارليًغيًنی، قيًزغيًنليًغيًنی) اولدورور.
اينانماسان 1994- ون رقمينه گوره بير ميليوندان آرتيًق قاچقيًنيًميًزدان،
آغلار قاراباغيًميًزدان سور!
1244 *- ساتقيًن دئمز کی، ساتقيًنام.
تورک سويلو- روس مافياسی روسو سئچيب
بو سببدن ... قاراباغدان وازکئچيب
گئری قايتارماماسيًنا آند ايچيب* (گيزلر سويلنمز)
روس مافياسی نيًن تورک سويلو بوداغی
تورک دئييل کی، قورتارا ... قاراباغی
1245
اون آلتی ايل گونو گونه ساتديًنيًز
قاراباغ باتديًقجا سيز ده باتديًنيًز
عارسيًزليًغيًن زيروه سينه چاتديًنيًز <<<
دونيانيًن يوخدور اوردولو ميللتی
کی اون سککيز ايل باتا مملکتی
(هاچان اوتاناجاقسيًنيًز؟)
1246
تورکون آغساققالی روتبه آجيًديًر
روتبه لنديرن باشی نيًن تاجيًديًر
اونوتدوغو قاچقيًن آنا- باجيًديًر
دينج يولا سوخان "ليدر" قان قوسدورور
روتبه ده آغساققاللاری سوسدورور*
1247 *- پوپوليزمه سون!
هر ساواشدا توپ وورار يئره سرر
توپون جاوابيًنی آنجاق توپ وئرر
ايکی طرفلی آتش سونا ايرر*
وئريلمز حاق سيلاح ايله آليًنار
ديلنچی الی بوش يولا ساليًنار
يعنی قئيرتين حالواسی چاليًنا
1248
دونيا بانکاسی نيًن سوندوغو الده:
مين دوققوز يوز دوخسان دوردونجو ايلده،
يازدی داغليًق قارباغ آدلی "چول"ده،
يوزسئکسن مين شه هرليدير کويلودور،
اوچده ايکيسی ائرمنی سويلودور.
1249
بير ميليون تورک قاچيًبديًر اولکه سيندن
هم داغليًق، هم ده آران بولگه سيندن
يوردونون ايشقال اولموش تيکه سيندن
يوز ييرمی مين ائرمنی "باشدان سوووب"
بيرميليون تورکو تورک يوردوندان قوووب
1250
سنين اون دوققوز ايلليک دوولتين وار
وئرگی وئرن خالقيًن وار ميللتين وار
سووئت دوورونده کيندن چوخ نئفتين وار
"قيًزيًل" اوردونو قووان قئيرتين وار
اينتيقاميًن آلاجاق نيفرتين وار (نه يين يوخدور؟)
سن ده قاراباغيًندان وازکئچميسن
چونکو ساتقيًنلاری ليدر سئچميسن
روس کوله سی قالماغا آند ايچميسن.
اوتايدا "بوتوو آذربايجان" دونونا گيرميش بوگونکو
روسقولو آغساققاللاردان، يعنی روسقولو يازارلاردان،
شاعيرلردن، ساناتچيًلاردان، ...، سوز گئدير.
23.02.2010