۱۱۱ - خئييرسيز اولکه دن وازکئچر اوزگه.
خئييرسيز اولکه دن وازکئچر اوزگه.
آللاهليًق ايدديعاسی ائدن "عاريف"!
ايقتيصادی ايستيقلال اولماياجاقميًش،
ايچی بوش دوولتی نئيليردين ايلاهی؟
1224 *- ديققت!
ساتقيًن تورک ده ميللی حاقدان دانيًشار
اوولاماق اوچون "اود توتار، آليًشار"
هر شئيه مسئولييت سيز ياناشار
ساتقيًنيًن يئمی اوولاماق اوچوندور*
آماجيًم آچيًلاجاق بو دویوندور
بوگونکو ساتقيًنی بوگون تانيًديًن!
ايش- ايشدن کئچديکدن سونرا "اونودون"!
1225
ساتقيًن پروبلئمی کوکوندن چوزمز
آغاسی سئومه ين يازقيًنی يازماز
آغاسی نيًن گئتدی یی يولدان آزماز
ساتقيًن آغاسی وئرن حاققی آلار
چونکو رئفورم دئوريمی گئری سالار
1226
دردين کوکونو گيزله دن خسته دير
سوزوم ديل حاققی ايسته ين دوستاديًر
دآوآميًز ميللی ايقتيصاد اوسته دير
ايستيقلال ميللی ايقتيصاد اوچوندور
باغيًملی ائدن فئدئراليست چيرکيندير
1- فئدئرال دوولتين حاکيم ميللتی، هئچ بير آسيًلی ميللتينه ميللی ايراده
حاققی وئرمز. ميللی ايداره حاققی ايله بورولموش ديل حاققی وئرر.
(بورولموش ديل حاققی وئرر کی، او جمله دن)
(فارسيًن يازيًلميًش قوندارما تاريخی ايله آنتی -)
(تورک فيردوسونون شاهنامه سی توپ آتشينه )
(توتولماسيًن، يا نديًريًليًب- ياخيًلماسيًن.)
2- هر ميللت ميللتلر توپلومونون بيرئيی اولدوغو اوچون و "اودو
اوز قاباغيًنا دئشن" هر ميللتين اورتاق فئدئرال مجليسينده بير
سسی اولماليًديًر.
چوخونلوغون سسينی قازانماق اوچون، ضييف رقيبين ضررينه،
گوجلو رقيب ضييف سسلری ساتيًن آلا بيلر. يعنی:
ميللی مجليسلرده بولگه ساتيًلار،
فئدئرال مجليسده اولکه ساتيًلار.
3- نئچه اولکه لی فئدئرال دوولتين ياتيًريًلميًش بوتون ثروتلری ايله سرمايه-
لری ميللتلری نين نوفوس ساييًلاريًنا گوره ميللتلری نين آراسيًندا بولونوب
و پايلانماليًديًرلار کی، سکسن بئش ايلدن بری ثروت لری و سرمايه لری
چاليًنيًب- چاپيًلميًش ميللت لر حاقلاريًنا يئتيشديکلری اوچون فئدئرال دوو-
لتين عدالتلی اولاجاغيًنا اينانالار.(ايصفهان، لور و فارسيستان وطنداشيًديًر.)
1227
فئدئراليست تونلارجا يازی يازسا دا
آلداتيًب آزديًرماق اوچون "آزسا" دا
اوردو حاقيًنداکی بندی پوزسا دا*
فئدئراليست ايقتيصاد حاققيًندا يازماز
چونکو باغيًمسيًزليًق پئشينده گزمز
*- "فئدئرال ايراندا آذربايجانيًن ميللی اوردوسو اولاجاق."
("ايت يالانی" دانيًشان آغساققال) ضيا صدرالاشرافی
1228
باغيًمسيًز ايقتصاد باغيًمسيًز قيًلار
اولکه نين ثروتی اوزونده قالار
مال ساتا بيلدی یی قدر مال آلار
چاپيًلمايان اولکه اولماز سومورگه
خئييرسيز اولکه دن وازکئچر اوزگه
1229 *- ديققت!
فئدئراليست باغيًمليًليًغی پيسله مز
ايقتيصادی باغيًمسيًزليًق ايسته مز
يعنی باغيًمسيًز اولماغا سسله مز:*
قووما وئريلن حاق ميللته يئتمز
ديلی حاققی اولکه نی باغيًمسيًز ائتمز
ياد اوردوسو آذربايجاندان گئتمز.
بو ايلکه لری ... قيًزيًل ايله يازيًن!
ايکينجی آراز دوغانا دک دوزون!*
*- گوره سن ايکينجی آراز دوغاجاق؟
نئچه ... ايلدن سونرا؟
09.02.2010