۱۱۰ - تورکو ساتان تورکون آغساققاليًديًر.
تورکو ساتان تورکون آغساققاليًديًر.
1218 (آغاجی اوز ايچينده کی قورد يئير.)
نييه تورک بولگه نين فوتبول توپودور؟
دوشمنی نين بالتاسی نيًن ساپيًديًر؟
ايشقالچی دوشمنه آچيًق قاپيًديًر؟
تورکون خالقيًنی، يوردونو کيم ساتيًر؟
نييه اوزگه لريًن باشيًنا آتيًر؟ (فارسلار تکين)
(آليًجيًدان اونجه ساتيًجی وارديًر.)
1219
هر مادده اوز روحو ايله عئينیدير*
هر دينی اوره تن اونون بئينیدير
نييه تورکون دينی عرب دينیدير؟
"ليلی- مجنون"ون اوزئييری تکين
آراز دا دينچیلردن بکله يير کين
*- دوغاداکی روحون خاليًقی مادده نين ايچينده کی حرکتدير. حرکتين
مادده يه وئردی یی بللی بير دوزه نين فورماسی نيًن آدی روحدور.
حرکتين نتيجه سينده جانلانميًش دوزه ن پوزوقلوغا اوغراديًغی زامان
جانليًليًغيًنی ايتيرر. يعنی حرکتلی مادده سی يوخا چيًخماز، بلکه
شکلی پوزولار، يعنی روحو يوخا چيًخار: مادده اولمز، روح اولر.
توپلومداکی روح هم فردی، هم صينفی، هم ميللی وارليًقلاريًن
مولکييتی ايله منفعتلرينی قورويان آکتيو (حرکتلی) منليکلرديرلر.
(قوندارما فيلوزوفلاريًن يئديرديکلرينی گوشه مه يين!)
1220
آنتی تورک فيردووسی تورکو آلچالتدی
فارسجا يازان تورک فارسجانی اوجالتدی
نييه تورک فارسيًن هاراييًنا چاتدی؟
آرازيزمه دير وئرمز "بی پدر"
ساتقيًن شهرياريًن ديرناغی قدر
1221
فارس تورکون يوردونو ائديب ويرانه
تورکو اوز يوردوندا ائديب بيگانه
نييه تورک دوشونور بوتوو ايرانه؟
ايرانچی تورکو ايفشا ائدن تورکو
بويکوت ائديرلر کی، سئوينه تولکو
1222
روس هم تورکون يوردونو چاپدی "گئتدی"
کوچمن ائرمنينی ايشقالچی ائتدی
نييه تورک روسيانيًن دآديًنا يئتدی؟
ساتقيًن ميللی دوشمنينی دوست سانار
قورولاريًن اودونا ياش دا يانار
1223
تورکو ساتان تورکون آغساققاليًديًر (ليدرلر)
تورپاق آغاسی ايله "باققال"يًديًر (کمپرادورلار)
هم ده بئينينی يويان ناققاليًديًر (آيديًنلار)
يويولان بئيينی ساتارلار يادا
کی ساتقيًن هر نازی نعمتی دادا
(بيزی بو گونه قويانلاری تانی!)
08.02.2010
"گونش" آدلی سويداشيًميًزيًن يازديًغی ۲۳۹ صحيفه ليک
"گونئی آذربايجان ايقتيصادی ايستعمارينا باخيش"
آدلی چوخ ديرلی بيرتحقيقی اثریده يايمايان آذربايجانيًن
گونئيينه آييد... سايتلاريًنی نئجه ديرلنديرمه ليييک؟ بالتا جی آراز