۱۰۸ - سيياسی ساواشی اورگوت يورودر.

سيياسی ساواشی اورگوت يورودر.

1205

ايکی مين آلتی نيًن ميللی قييامی

هم اوياتدی، هم يئتيشديردی خامی

هم ده کی، آيديًنلاشديًردی مرامی

دوشمنينی يئنه جک گوجو چوخدور

يونه لده جک گوجلو قورومو يوخدور

1206

مای قييامی دئدی تورک اوغلو تورکم

تورانچی اولدوغوم اوچون بويوکم

تورانيًن باشيًنا ياراشان بورکم

مای قييامی تورکو فارسدان آييًردی

ايرانچيًليًغی اوزوندن سيييردی

1207    *- اونودولمازخاطيره  اولدو.

مای قيياميًندان فئدئراليست تورک قورخدو

فارس تکين بوينونو قيًنيًنا  سوخدو*       <<<

ايش بيتديکدن سونرا ديًشاری چيًخدی

مای قييامی دوست - دوشمنی تانيًتدی

حافيظه سيز گوناز تيوی اونوتدو

1208

گوناز ايسته ييردی آلا  قاشيًنی

چيًخارتدی گوزو ايله گوز ياشيًنی

چونکو داندی حرکتين باشيًنی

حرکتين باشی ايچريده دير

گوستره بيلدی یی باجاريًداديًر

1209

گوناز تيوی قاييًغی کوره کله يير

اورگوتسوزو ساواشا سوروکله يير

بللی دئييل کی، نه يه يئريکله يير؟

گوناز بيلمه يير کی، کيم کيمی سورر

(باشسيًزيًن خئييرينی باشلی گورر.)

1210

حرکتين باشی اورگوتلنمه ييب

يارديًمچی يولداشی اورگوتلنمه ييب

دئمک کی، ساواشی اورگوتلنمه ييب

سيياسی ساواشی اورگوت يورودر

اورگوتسوزو اوز ايچينده اريدر

1211

فارسيًن هر قولونون تشکيلاتی وار    (آنتی تورک)

کوتله ميزی جايديًران قاناتی وار

اوز آديًنا يازديًران ماناتی وار

آرخاسيًندا روسيا ايله باتی وار

فارس ايله فارس ساواشديًغی سوره جه

تورک تحريک اولماماليًديًر ذرره جه

يوخسا درد چکديررلر ميللی گوجه.

     (کيم اوچون؟ نه اوچون؟)

06.02.2010