۱۲۱ -ايراندا ماکياوئليسم و شووئنيسم شيوه لرله موللالار قان توکور.

ايراندا ماکياوئليسم و شووئنيسم شيوه لرله موللالار قان توکور.

آذرخش

خالق کوتله لری نین ایش سیزلیگی، یوخسوللوقو، آجلیقی، فساد، اعتیاد

دينی دیکتاتورلارین خئیرینه اوُلار.

جامعه ده بئله عمومی فاجعه نی جبّار دیکتاتوُرلار بیلرئک قصدن یارادارلار.

چونکی آج محتاج اینسان ایلک باشد اوُزو و عائله سی نین قارنین دوُیورماق

اوچون هئر بیر ایشه قاتلانار و ایسته مه دن هئر جور زوُراکیلیقا تابع اوُلار.

[وحشی عرب تورکو ايت تکين ديديب،       قيًليًنج گوجو ايله موسلمان ائديب.]

 

*[سوره 7 – آيه ۹۴: بيز هانسی بير مملکته پئيغمبر گوندرديکسه، اونون اها-]

[ليسينی (پئيغمبرلری تانيًماديًقلاری اوچون) موصيبته  و يا  بلايا (خسته ليک،]

[يوخسوللوق، قيًتليًق، آجليًق ...) سالديًق کی، (آللاها) يالواريًب- ياخارسيًنلار!]

*- [ قورآن ]

بو گوُن تهراندا حوکم سورن موللالار خیلافتی ایلک گوندن همان شیوه دن

ایستفاده اتمیشلر و گون به گون قدارجاسینا داوام اتمئکده دیرلر .

فارس دیلینده یازیلمیش (فرهنگ معین) آدلی کیتابدا جبّار کلمه سینین معناسین

آچیقلادیقدا بئله یازیر:  (جبّار کلمه سی آللاهین صیفت لریندن بیری دیر).

سوُنرا قیسا شرحینده دئیر: جبّار آللاهین صیفت لریندن بیری اوُلدوقو حالدا،

اوُنون أصیل معناسی یعنی: هر شئییه قادیر و مسلط اوُلماق، قودرتلی اوُلماق،

قهار و غضبلی اوُلماق و نهایتده جبّار تئکببورلو، خودخواه، رحمسیز اوُلمالیدیر.

 بونا گوُرادا (ماکیاویلی) یازدیقی (شهریار) آدلی کیتابیندا قدار حاکیم لره

نصیحت ائدیب یوُل گوُستریر و اوُنلارا خیطابن بئله دئیر:

مسلط اوُلماق اوچون گئرئک رحم سیز و جبّار اوُلاسیز. چونکی تکجه قدار و

جبّار اوُلماقلا حاکیمییتی غصب ائدنلر اوُز مقاملاریندا و قودرت ده قالا بیلرلر.

خالقا مسلط اوُلماقین گئرئگی اینسانییت دن اوزاق اوُلماق و بوتون رذیلانه و

غیر اینسانی شیوه لردن ایستفاده اتمئکله، اوُلکه نین بوتون ثروت قايناقلارين

أله کئچیرمئک لازیم دیر.

جبّار قودرتی أله آلدیقدان سوُنرا اوُز حاکیمییتینه داوام وئریب اوُنو یاشادماق

ایسترسه، گئرئک همان جامعه ده موجود اوُلان بوتون شرور، رحمسیز، جینا-

یتکار، اوُغرو، جاهیل، قانماز و منطیق سیز عنصرلری اوُز اطرافینا توپلایب،

اوُنلاری مسلح ائدیب، بوُیوک مقاملارا منصوب ائدیب، گئنیش ایمکان لار و

ایختیارلار وئرمئکله بیرلیکده، اوُنلارا بوُل بوُل پول وئریب اوُز امرینه تابع

اتمئلی دیر.

ماکیاول شهریار کیتابیندا قئید ائدیر: جبّار و اوُنون متحدلری و اوُنونلا بیرليکده

حاکیمییته شریک اوُلان تبلیغاتچیلاری، یارادیلمیش مسلح قووه لرده خيدمت

ائدنلر گئرئک جبّارین أمرلرینه تابع اوُلسونلار، بو قووه لرده جبّارا خيدمت

ائدن مزدورلارین فیکیر و دوشونجه لرینی حاکیمییتین تبلیغاتچیلاری گئرئک

سرعتله دئیشدیرسینلر. یعنی داواملی اوُلاراق اویدوروجو، ایچی بوش، يالان

تبلیغاتلار و آردیجیل تعلیماتلار وئرمئکله خیدمت چیلرین بئینلرین یووُب

یاخالایب "مانقورتلاشديرماق"، جبّارین قودرتین "عظمتین" اوُنلارین گوُزونده

"آللاه" کیمی تانیددیرماقا دایمن دانیشیب تلاش اتمئلی دیرلر.

بئله لیکله اوُنلاری (مانقورتلاشدیریب) جبّارین هر بیر سوُزون و أمرلرین

«آللاه »ین أمرلری کیمی گوُسترمئلی دیرلر.

ماکیولی دئیر: تعلیمات گوُرموش و أمره تابع اوُلان مسلح قووه لرین أن واجیب

و باشدا گئلن وظیفه لریندن بیری حاکیم اوُلان جبّارین مقامیندان و اوُنون حا-

کیمییتیندن جیددییتله مدافع اتمئک و بو وظیفه ایله یاناشی، خالقین خصوصی

حئیاتینا مداخله اتمئک، عائله لری داغیدماق، نفسلری بوُغماق، حاکیمین علیهینه

باش قالدیران هر بیر شخصی گئرئک تام قودرتله و هئچ رحم اتمه دن اوُلدو-

رولوب محواتمئک لازیم دیر. جبّارین اطرافیندا اوُلان رنگارنگ حیله گر

همکارلاری، خالقی آلدادماق اوچون داواملی اوُلاراق گئرئک بوُیوک یالانلار

دانیشیب و هئچ بیر جینایت دن، رذالت دن چئکینمه سینلر.

جبارین ایش گذارلاری جامعه نین اخلاقین سارسیدماق اوچون گئرئک خالق

کوتله لری نین آراسیندا یالان دانیشماقی، یالتاق لیقی، یالوارماقی، ایطاعت کار

اوُلماقی، دیلنچیلیگی، خبرچیلیگی، اخلاق سیزلیقی رواج وئریب، قادین و

قیزلاری فسادا سوروکلئیب، جور به جور فسادلارین جامعه ده یارادیماسینا

و خالقین آراسیندا رواج تاپماسینا گرئک جهد گوُسترسینلر. بو رژیمین

ایشگزارلاری نین اوُنئملی وظیفه لردن بیری اوُلدوقدا، هم ده خالقین اوُیانیشی-

نین دیرچئلیشی نین قارشیسین شیدتله آلمالی دیرلار. گئنیش خالق کوتله لری-

نین آیدینلاشیماسی، اوُیانیشی جبارین ایقتیدارینین خئیرینه دئییل.

بونا گوره ده خالق کوتله لرین گئرئک همیشه جاهیل، آج محتاج، یوخسول،

دیلنچی، قورخاق ساخلاماق.

چونکی آج، محتاج، قورخاق، یوخسول اوُلمییان و شعورلارین چالیشدیران

خالق کوتله لری بیر- بیرلری ایله گوُروشوب، دانیشیب دوشونرئک جبّارین

ظولم لری علیهینه بیرلئشیب قیام ائده بیلرلر، بئله لیکله جبّارین حاکیمییتی

محو اوُلوب آرادان گئدر و سایره لر...

یوخاریدا قئید اوُلونان قیسا مطلب لر ایتالیالی ماکیاولی نین (1469 ـ 1527

نجی ایللرده) جبّارلارا وئردیگی نصیحت لردن کیچیک بیر بوُلوم ایدی .

...............

یاشاسین آذربایجان ـ 27/ 10 / 2011 ـ آذرخش