۱۱۷ - موللانی سانکی سايان واردی بو گون!
موللانی سانکی سايان واردی بوگون
زامان گئريچی دئييل کی دوغا دون.
راديکاللاشماسا ميللی حرکت،
قازانا بيلمه يه جکدير برکت.
تک بير موللا قاتيًليًب حرکته،
اونو دا رهبر سونورلار ميللته!
رهبر سانيًلان موللانيًن ساوادی
بودور کی، نئجه ازرلر آروادی
سونولان موللانيًن ميللی شوعورو
چاغداش دئييل کی، اوره ده تئورو
تورکچويم دئين موللا رهبر اولسا
دئموکراتيزه اولماز آنا ياسا
موللا فئودال رئژيمين بئينیدیر (اوممت)
تورکچولوک کاپيتاليرمين دينیدیر (ميللت)
موللانيًن آنا ياساسی قورآندیًر
نيسا سوره سينده هر شئی عياندیًر
موللانيًن هر شئيی فئودالیًدیًر
نئچه يوز ايل چاغيًميًزدان داليًدیًر
موللا فئودالی ديندن دونمه سه
قويماز دئموکراسی بايراغی اسه
موللا قاتيًلمامالی ديًر دئوريمه
چونکو دين يول وئرمز هئچ بير ائوريمه
موللا قاتيًلسا سيياست ايشینه
دوشمه مه لی دير موللاليًق پئشينه
موللا قوللانماياجاقسا دينینی
ندن ايستر کی، داشيًيا قيًنیًنی؟
موللا قاتيًلديًغی ايشه خط وئرر
يونه لده بيلمديگینه درد وئرر
موللانيًن وئرديگی "اخلاق" درسلری
اولدوررلر ... حاقسئور هوسلری <
موللانيًن دينی قاديًن دوشمانيًديًر
بو گون ايفشا ائتمگين زامانيًديًر
موللانيًن قانون قويدورتدوران دينی
قويماز قانون قويا اينسان بئيينی
موللا دوشونن بئيينی دوردورار
آلله - آغلی ايله پلان قوردورار
موللا بيلمز آللاهيًن سهوی چوخدور
چاغداش بيليملردن خبری يوخدور
موللا اينسان آغليًنا سايقی دويماز
يوخسا جاهيل آللاها کيمسه اويماز
موللا دئير آللاهيًن سوزونه اوی
آلله دئمه ين سوزو قيًراغا قوی
موللا دئير آللاهيًن سهوی يوخدور
قاديًن دئير آز دئييل، هم ده چوخدور
موللا آللاهی "ائشيتچی" گوسترر
کوله ائتديگی قاديًنی کوسدورر
موللا قاديًنی ائرککه قول سانار
موساواتچی اولماديًغيًنی دانار
موللا خالقی کوله ائدر آللاها
آلله دا دوور ائدر کولگه سی شاها
موللا دئير موللاسيًز ايش گورولمز
"آللاهواکبر"دن سورغو سورولماز
موللا موسليم ائدر کی، ظاليًم مينه
هم ده قوللوق ائده گئريچی دينه
موللا هر يئرده آش اولسا باش اولار
يوخسا عئييبلری خالقا فاش اولار
موللا آليًشيًبديًر کی، رهبر اولا
ساغيًر سانديًغی خالقا اکبر اولا
موللا اوزونو خالقا رهبر سئچر
قبول ائتمه يه نين قانيًنی ايچر
(باجارا بيلديگی تقديرده)
موللا دئير دين "حقيقت" يولودور
قاديًن ائرککين آغيًلسيًز چولودور (تارلاسی)
موللا قويماز کی، قاديًن قانون قويا
تانری کيرله دن بئيينلری يويا
موللا عوصيانچی روحلاری بوردورار
چونکو قورخولو "جهننم" قوردورار
موللا "جننت" وعده سيله سوسدورار
ائشيتليک ايسته ينه قان قوسدورار
موللانيًن وئرديگی قرار پوزولماز
اوردا کی، ايسلاميًن کوکو قازيًلماز
موللا قاتيًلميًش اولسا سيياسته
ايسته ير کی، ال تاپا رياسته
موللا بيلير کی، آلله يازقی يازار
کی نئجه خالقی چاپا بيله بازار
موللا بيلير کی، هانسی صينف زاليدير
اييه ليک پايی وئر دئين علی دیر (ايمامعلی)
موللا بيلير کی، حارام مال نجيسدیر
حارام مال يئين سوموروچو پيسدیر
موللا بيلير کی، حارام مال کيرله در
کيرلنمزدير سومورولن پرولئتئر
موللا بيلير کی، کيم ايرگنمه ليدير
هانسی صينف کيرلردن آريًنماليًديًر
موللا بيلير کی، مظلوم کيرلی دئييل
دورد آروادلی تکين دورد ارلی دئييل
موللا بيلير کی، ان کيرلی اوزودور
چونکو دئمه ديگی سوزون دوزودور
موللا بيلير کی، کيم کيمی سومورور
اورت- باسديًر ائدن ده سوموک گميرير
موللا بيلير کی، دونيا يومورودور
پيسليکلرين سببی سومورودور
موللا بيلير کی، بو سوزون دوزودور:
سوموروچو اينصافسيًزيًن اوزودور
موللا بيلير کی، پيسدن پيسليک دوغار
سوموروچو "اينسان" اينسانی "ساغا ر"
موللا بيلير کی، مظلوم شرفلیدیر
سومورولدوگو اوچون اينصافلیًدیًر
موللا بيلير کی، اخلاقسيًز ظاليًمدیًر
اخلاق ساحه سينده مظلوم عاليمدیر
ظاليًملارا اخلاق درسی لازيًمدیًر
موللا بيلير کی، مظلوم حاقسئوردیر
بو باخيًمدان دا مظلوم بخته وردیر
موللا بيلر کی، نه حدده قيًنانا > (ظاليًم)
کی اوولاياجاغی مظلوم اينانا > (ديققت!)
موللا بيلير کی، نئجه دوزاق قورا
هم ده اوولاديًغيًنی نئجه بورا
موللا بيلير کی، کيمه قوللوق ائدير
نه اوچون مسجيده، جامی يه گئدير
موللا ناللی نيًنناليًنیچکديرر
يوخسا فيتواسی قانيًنی توکدورر
موللا بيلير کی، قورآن دا يئرسلدیر
جيسيمسيز تانری ايچی- بوش قزه لدیر
موللا تاجير ايله بگين قولودور
گئتديگی يول کوله چی نين يولودور
موللا خان- بی ايله اوتوروب- دورار
نه ائده جگینی اونلاردان سورار <
موللا بيلير کی، کوله چی نه ايستر
ايستر هم اوز وئريله، هم ده آستار
موللا بيلير کی، عوموردن گون گئدير
کوله ائتديگی کيمه قوللوق ائدير
موللانيًن محصولو دا جهل اييرر
کوله توخوموندان کوله گويه رر
موللا دئير کی، قوللوق ائتمه سه قول
بيز اولدورريک کی،آلله ائده کول
موللا دئير کی، دين دئميش بويله اول:
ارینه تارلا، ائرککه کوله اول! <<<
موللا کوله يئتيشديرر هدفه
آلله آدی ايله کوله چی صينفه <<<
موللا دئمز کی، يازقی يازان آلله
کئچميشده بزيرگان ايدی، دونن شاه (بازارخانی)
موللا دئمز کی، بو گونون آللاهی
بيزيک کی، قووموشوق فئودال شاهی
موللا چاغداش علملردن آنلاماز
چاغ ديًشی کوله چیلری دانلاماز
موللا قووار آيه ايبطال ائدنی
کی بللی اولمايا خالقا ندنی
موللا تنقيدچی نين گوزونو اويار
نسيمیلرين دریسینی سويار
موللانيًن پيسليگی اوز بئينينده دير
بئينینی ايشقال ائدن دينينده دير.
10.10.2006