۱۱۶ - ايستيقلال قورتارمالیًديًر قاديًنی.

ايستيقلال قورتارمالیًديًر قاديًنی.

* * * * *

دين حاقيًندا بير دارتيًشمانيًن سونوجو:

قيًز دئدی "دين بيزه ظولم ائدير قات- قات."

دوکتور دئدی "آغريًيان ديشی چک- آت!"

آغری دئدی "تئزدی، باشيًنی آت-يات!"

* * * *

ايسلام دينی قاديًنی تارلا سانار

قاديًنيًن اينسان اولدوغونو دانار

 

دين دئير تارلانيًن کاری اريندی

"آللاهيًن قازديًغی قويو دريندی"

 

دين دئير سککيز ياشلی قيًز اللنر    (عايشه و محممد)

دوققوز ياشلی کافتار ايله ائولنر*

 

*- "قوجا کافتار، سنه اون بئش، ياشی اولان قيًز نه گرگ؟"

1910 – مشهدی عيباد اوپئراسی

 

دين دئير باکيره قيًز ائتسه دآوآ

گلينائتديکدن سونرا چکين دارا    (تجاووز)

 

دين قاديًنيًن منليگينی اولدورر

بو سببدندير کی، چادرا اورتدورر

 

دين ايستر ائرکک يونه لده قاديًنی

يعنی قويون ائده، ساغا سودونو

 

دين قاديًنا حاق وئرمه ميش بوشانا

حاق وئرميش کی، درد اليندن ائشينه

 

قاراواشيًن کبينی کسيليدير

آغاسی نيًن مئيليندن آسيًليًديًر

 

دورد قاديًن بير ائرکک اوچون حالالديًر

ايکی ارلی نين جزاسی زاوالدیًر

 

چوخ قاديًنلی هر ائو حرمسراديًر

باشقا دئييشله، فاحيشه خاناديًر

 

بير ساعاتليًق صيقه قاديًن روسبودور  <<<

شيعه مذهبلی مشهدين کسبيدير         (موجوز)

(مشهدی رضا "ايمام"يًن کسبيدير)

 

دين حاق وئرمز کی، قاديًن قاضی اولا

قاضی ايستر حاقلی حاققيًنی آلا

 

کيم ايستر اينصافيًنی دينه ساتا؟

قيًزا بير، اوغلانا ايکی پای چاتا

 

ايسلام اولدورر "آلا"هر ذادیًنی

اسير دوشموش قئيری موسليم قاديًنی

 

دين ايکی شاهيد قاديًنی بير سايار

يعنی ايکی گوزدن بيرینی اويار

 

دين قاديًنی بيلره ک مال تانيًيار

قاديًنی قوللانمايانی قيًنايار

 

دين قويماز نامحرم الی سيًخيًلا

کی اويقار تکين قاباغا چيًخيًلا

 

قاديًن دا گرک آغليًنی ايشله ده

چوخ آروادلی ائرککلری داشلادا

 

قاديًن اينسانلاريًن ان گوزه ليدير

لایلاسی اينسانليًغيًن قزه لیدير

 

قاديًن مال دئييل کی، تارلا ساييًلا

بوشانان زامان اوشاقسيًز قويولا

 

قاديًن مال دئيیل کی، آرزی ائتمه يه

مال سانان ايستر کی، قاضی ائتمه يه

 

قاديًن مال دئييل کی، چوبانی اولا

سودونو ساغانيًن قوربانی اولا

 

قاديًن ائششک دئييل کی، يوک داشيًيا  (حاميله ...)

هم ده حاقلاريًندان يوخسون ياشيًيا

 

اوتای يوز ايل اونجه دينی قيًنادی

نالا- ميًخا دوين بوتای سيًنادی

 

بوتای يوز ايل اوتایدان گئری قاليًب

چونکو گئريچی فارس آغليًنی چاليًب

 

گئريچیليگی ايستيبداد قورويار

گليشه بيلمه ين توپولوم چوروير

 

دين حاق وئرمز دينه قارشی مراما

کی آدامليًق حاققی وئره ماداما

 

قاديًن توپلومون ياری نوفوسودور

آنتی قاديًن گئريچی اولوسودور

 

ايستيقلال قورتارمالی دیًر قاديًنی

يوخسا دييشديرمه لی دير آديًنی.

15.09.2006