۱۱۴ - بيز اصيل موسلمانيًق.

بيز اصيل موسلمانيًق.

"هاردا موسلمان گورورم قورخورام."
ميزه علی اکبر صابير

مين دورد يوز ايلدير آلله آختاريًريًق
وار سانيًب پوشتو- پناه آختاريًريًق.

داردا قالاندا ارواح آختاريًريًق
دوعا اوزمانی جرراح آختاريًريًق.

گوبک يازان شئيخ فللاح آختاريًريًق
آغيًل اولدورن سيلاح آختاريًريًق.

دومبالديًب- دوزه لدن شاه آختاريًريًق
شاهليًقدان يانا جيناح آختاريًريًق.

شاهليًغا آيت الالله آختاريًريًق
کيًراواتلی حيزب الالله آختاريًريًق.

خومس وئرمگه سيپاه آختاريًريًق
آغلاتماق اوچون تيمساح آختاريًريًق.

رمضان سونوندا ماه آختاريًريًق
دورد نيکاح اوچون تاماح آختاريًريًق.

هر گون بير ائوده موباح آختاريًريًق
شر باتاغيًندا صلاح آختاريًريًق.

دوغوز اتينده گوناه آختاريًريًق
ثروت ياراديًب ريفاه آختاريًريًق.

ايتيب- باتانی صاباح آختاريًريًق
سببلرینه ايضاح آختاريًريًق.

          بالتاجی آراز