۱۱۳ - سون سوز.
سون سوز.
1391
آراز شئعيری اوجالارا قالديردی*
آغيلين سازينی شئعيره چالديردی
بيليمسل شئعير ايله جهله سالديردی
دويغو اوولاييجی پئشينده گزر
جهالتين کوکونو آغيل قازار
*- آلچاق کونولولوگون ده حددی وار
چونکو تقليدچی شه هرلی، کددی وار
1392
من سيياستين سازينی کوکله ديم
سيياسی بيليکی شئعيره يوکله ديم
پوليتيکانی ساناتا اکله ديم
من انيشتاين تکين آختارديم، تاپديم،
شئعيرين ان گوجلو بومباسينی ياپديم.
بو بومبالار ايله دوشمنی وورون<
ائتکيسينی هيروشيمادان سورون.
1393
من علمی چئويرديم قولای بير ديله
عاليم اولمايان دا آنلايا بيله
دونوشه چاغداش دوشونجلی ائله.
چونکو علمدن باشقا هر شئيی وار
بيليمسل دوشونن چاره نی تاپار.
بو اثر چئوريلسه باشقا ديللره،
قوللوق ائتميش اولار قارداش ائللره.
1394
هانسی چيچکلی باغی گزمه ميشم؟
هانسی شانين بالينی سوزمه ميشم ؟
هانسی دينسل قونودان يازماميشام؟
من آيدينا دوشن ايشی گورموشم
بيليکلریمی ايلری سورموشم
(وورانی ووردوغو يئردن وورموشام)
هر بير دوشونجه نين رئکلام حاققی وار
ياخشييا حورمت ائدرلر، پيسی خار
1395
آراز دينه قارشی فيکير يورودوب
قورآنين آيه لرينی چورودوب
دينين سو ايچديگی کوکو قورودوب
گوره سن ايکينجی آراز دوغاجاق؟
يوخسا ياغمور يئرينه اود ياغاجاق؟
خالقی قويون ائدن چوبان ساغاجاق؟
1396
قورآنيًن دا تانريسی جهل ياراديب
ديکتاتورلار تکين فيکير يورودوب
حاققينا ال قويدوغونو چورودوب
آراز آغيل ياراديب تورک خالقينا
کی چاتا ال قويولدوغو حاققينا
تانری نين کيم اولدوغونو اويره دين!
تانريليغی اولومونه اوغرادين! <<<
1397
سن تاريخ ياراداجاقسان اثريم
سنی ياراتدی منيم آلين تريم
کی قورتولا ... ائرکک اليندن پريم
آراز دئوريمچی خالق اکدی کی دوغا
بولودوندان ... اينسان حاقلاری ياغا <
"اويقارلاش" آدلی اثر اولان يئرده،
کوله ائدن اثر اوخونماز بير ده.
(فوضولونون شئعيری اوخونماز بير ده.)
1398
سن دئدين اک- بيچ کی، من دارتيم دنی
هم ده ياييم سن يازان ... مقاله نی
من ده يازديم کی، اويادام ... زه نه نی
بويله می قارشيلاياجاقدين منی؟
آی بويکوتچو ياز قلبه چالاجاق
"اوزو قاراليق کوموره قالاجاق"
1399 تانی بونلاری!
آرازی بويکوت ائدن تورک جاهيلدير
جاهيل دئييلسه دئمک کی، عاقيلدير
مظلومو ظاليما ساتان رذيلدير
ظاليمدان يانا سيياسی ساتيلار
روتبه اوچون سيياسته قاتيلار <
منديل اولما کی، قوللانيب آتالار،
قويدوغون امکلرينی ... ساتالار.
1400
قورآنين خئيرينه سازی کوکله مه
شريعتدن باشقا بير شئی بکله مه
سوچلاری نين اوستونه سوچ اکله مه
سوچلار قورآنين آيه لرينده دير
ظاليمدان يانا قايه لرينده دير
1401
آرازين شئعيرینی يايماق لازيمدير
چونکو گنج ياشلييا قايماق لازيمدير
قايماقدان بسلنيب- دويماق لازيمدير
آرازين شئعيرينده اولان نئجه ليک
اويله اويادار کی، دوغا باجاريق
1402
بو اثر بيزه تای يئتيشديره جک
لاييک، سئکولار بی يئتيشديره جک
اون دورد گئجه ليک آی يئتيشديره جک
آی- اولدوزدان سونرا گونش دوغاجاق
قارانليقی ايشيق توتوب- بوغاجاق.
1403
آراز اولماسايدی حاققين ياناردی،
هر سيياسی اوزونو خان ساناردی،
وئريلمه ين حاقلارينی داناردی.
آراز خانخانليغين کوکونو قازدی،
دئوريمچی يئتيشديرن کيتاب يازدی.
دئتايلی دوشونجه لازيمدير ائله،
کی ساپديرانلاری تانييا بيله.
1404
آرازيزم بيليمسل فيکير يورودوب،
قورآنين آيه لرينی چورودوب،
(1- آنتی- قادين آيه لری چورودوب،)
(2- خيلافتچی آيه لری چورودوب،)
(3- خورافاتچی آيه لری چورودوب،)
(4- ترروريستی آيه لری چورودوب،)
هم ده بولانميش سولاری دورولدوب؛
آرازيزم اولچودور کی، اولچوب- بيچه،
ياخشينی پيسدن، قيلی توکدن سئچه.
1405
سئکولار دوولتدينسيز دوولت اولار،
دين، دينسيز دوولتين ديشيندا قالار،
دينسيز دوولت اورتاق زورنانی چالار؛
سئکولار دوولت آغلينی قاپديرماز،
هئچ بير صينفی مانيفئستی اوپدورمز.
1406
دينين يئری توپلومون ايچينده دير،
قلبه .... منطيقی نين گوجونده دير،
سفسطه نين گوجو قيلينجيندادير،
دينه قارشی يازيلميش هئچ بير اثر،
ايفشا ائده بيلمز آرازيزم قه ده ر.
بالتاجی آراز
____________________
آذربايجان تورکو، چکمه نازيمی!
ايملا باخيميندان دوزه لت يازيمی!
کوکله گینن، چالا بيله سین سازيمی،
قوراللار سهويمی قالدیرسان گئدر!
قويدوغوم امکلر اولماسین هدر.