۱۰۶ - جاهيلی الشديرمه سن اويانماز.
جاهيلی الشديرمه سن اويانماز.
1336
حاق سوز سويله ين آراشديًريًجيًديًر، (اولچو و مئتود)
ظاليًما گوره ... قاريًشديًريًجيًديًر،
(جاهيله گوره ... قاريًشديًريًجيًديًر،)
ظاليًما قارشی باريًشديًريًجيًديًر؛
مارکس جاهيل مظلوملاری باريًشديًرار،
ظاليًملاريًن جانيًنا داريًشديًرار. <<<
1337
آغيًللی دوست دوستلاری باريًشديًرار،
سهولی دوست بيلمه دن قاريًشديًرار، (آذرخش بی)
سهوسيزين جانيًنا داريًشديًرار؛ <<<
سهولی دوستون اولچوسو، يونتمی،
دشمنه آييدير آی جاهيل عمی!
(13/4/2012 گوناز تيوی آذرخش بی) <<<
1338
سهولی دوستون اولچوسو يانليًشدی،
هاردا يانليًش اولچو ايشه قاريًشدی، <<<
اوردا دوست دوستون جانيًنا داريًشدی؛
يانليًش اولچو دوغرونو يانليًش سانار،
باشی داشا ده يديکدن سونرا قانار.
1339
سيًرادان اينسان ... قند- شکر اوره تر،
جاهيل اينسان جهله نوکر اوره تر،
سئچکين اينسان دوغرو فيکير اوره تر؛
دوغرو فيکير حاققی حاقليًيا وئره ر،
جاهيلين مئيوه سينی دوشمن ده ره ر.
1340
سيًرادان اينسان سئچکينه بنزه مز،
هر مئی ايچديگين ايچکينه بنزه مز،
کونوشکان دردلی سوسکونا بنزه مز؛
سئچکين آنجاق سئچکين ايله اولچولر،
يوز کره اولچدوکدن سونرا بيچيلر.
1341
ايناد جهلين خئيرينه زورنا چالار،
قورور جهلين اينتيقاميًنی آلار،
تنقيدچينی تحقير ائتمه يه دالار؛ <<<
يانليًش اولچو تنقيدی تحقير سانار،
پيس يونتمين اودونا ياخشی يانار.
1342
يانليًش اولچونو پيسله ين تاپيًلار،
ايرينی دوزلتمک ايشی ياپيًلار،
دوغرو و ياخشی سوز گويده قاپيًلار،
جاهيلی الشديرمه سن اويانماز،
ياخشيًليًق اولمز، قانيًنا بويانماز.
1343
جهلين قورورو دئيه ر جهليمی اوی!
جهليمی اويمه ين تنقيدچينی دوی!
يئتمه سه، آتا- آناسيًنی دا سوی!
جهلين قورورونون قولاغی کارديًر،
سوز ائشتديره نه جزاسی "دار"ديًر.
1344
جاهيل اينسان جهلينی علم سانار،
تنقيده اوغراسا، اود توتوب- يانار،
يانديًريًب- ياخماق اوچون علمی دانار؛
جاهيل اينسان مونولوقدان ياناديًر،
دينله ييب- دويماق ايله بيگانه دير.
(دييالوقچولوق ايله بيگانه دير.)
1345
جاهيلين ده بيلديگی چوخ شئی وارديًر،
نه يازيًق کی، باخيًش آچیًسی دارديًر،
"دار گوروشلويم" دئمک اونا عارديًر؛
جهلی قورويان جهلين قورورودور،
سيلاحسيًزلانديًرماغی ضرورودور.
1346
جهلين قورورو يالانچی دا ائدر،
يالانچی نيًن آبيًری الدن گئدر،
قازانديًغی شرفی اولار هدر؛
گونشی گيزلته بيلمز هئچ بير شئی،
نه بولود پارچاسی، نه يئر ايله گوی.
1347
جهلين قورورو ايستر کی، مات ائده،
(شاهيد پئشينده گزه ر کی، آت ائده،)
کهنه سوچونا گوره "بدذات" ائده؛
جهلين قورورو تنقيدی قول سايار،
تنقيدچیيه قارشی قول ووران جايار.
1348
جهل اووقوجوسونو باغريًنا باسار،* (۱ و ۲)
يونه لتن اووقوجويه قولاق آسار، (اويه ن کيمسه)
(خط وئره ن اووقوجويه قولاق آسار،)
اوولانديًقدان سونرا کسه نی که سر؛
جهلينی گوم کی، قيًرلمايا بايدا،
ايش ايشدن کئچديکدن سونرا نه فايدا؟
*- ۱) عزيزيم، سن سئچکينلره آييد ساييًسيًز اوزه لليکلرين
(خاصييتلرين) ان ياخشيًلاريًندان اولوشموسان.
*- ۲) عزيزيم، "سنده مجنوندان بتر عاشيقليق ايستئدادی وار
عاشيق صاديق سنسن، مجنونون آنجاق آدی وار". ف.
"ائششگينی کورپودن کئچيرمک ايسته ين"آغيًل آزديًريجی-
لاری دا تانی!
سن اوسان کی، وارسان. ياخشی، ياخود داها ياخشی
اولماغا دوشوندورن تنقيدچيلردن اويره ن و اويره ت!