۱۰۲ - ساتقيًن تورک فارسی تورکه ائديبدير شاه.
ساتقيًن تورک فارسی تورکه ائديبدير شاه.
(تورکون آللاهی آلچاقدان آلچاقديًر،)
(چونکو آلچاق فارسا دا اويونجاقديًر.)
1316
قورآن دئير روتبه نی آلله وئرر،* (يازقی يازان)
شاهليًق سوندوغو شاها تاماه وئرر،
تاماهيًن خيراجيًنی ... فللاح وئرر؛ (اوياد کی، دئويرسين.)
قورآن دئير کوله اول هم آللاها،
هم ده شاهليًق عطا ائتديگی شاها!
*- دئمک کی، ... بوگونکو يالتاقلاری دا تانيًتيًن!
1317
دينسيز اوز يازقيًسيًنی اوزو يازار،
يازقيًسيًنی اوزو يازمايان آزار،
اوزگه نی بزه ير، اوزو لوت گزر؛
دينچی تسليم اولار يازقی يازانا،
کی کوله ليک ائده مووجود دوزه نه،
بيلمه دن خيانت ائده اوزونه.
1318
تورکون جهلی ... ساتقيًنی ... ائديب آلله،
ساتقيًن تورک فارسی تورکه ائديبدير شاه ،
کی فارس تورکون ديلينی ائده تباه،
کی فارس تورکون يوردون ائده تباه؛
(کی فارس ... اورمو گولونو ائده تباه؛)
ساتقيًن تورک ساتيًليًب سوموک گميره،
سومورگه چی ائتديگی فارس سوموره.
1319
تورک خالقی ايستر کی، يون دييشديره،
ساتقيًن تورک ايستر کی، دون دييشديره،
ايچ دوشمنی هدفه ايريشديره؛
هئچ بير ايرانچی تورکه اينانماييًن!
ايستيقلالچی اولون کی، قيًنانماييًن!
آذربايجانيًنميًزيًن گونئی بولومونون توپراغی ايله اينسانيًنی
اون ميليارد تون دوزون ضررلرينه اوغرادماقلا قازانجلار
الده ائتمک اوچون سوسوزلوغون اودونا يانديًريًلماقدا اولان
اورمو گولوموزون هاراييًنا چاتان قهرمان خالقيًميًزدان اونجه
هانسی آذربايجانلی توپراق آغاسی، هانسی تاجير ايله اونلاری
تمثيل ائدن هانسی موللا، هانسی ميللت وکيلی، هانسی ايرانچی
يازار ايله شاعير و صنتچی او جومله دن اورمو گولونون
هاراييًنا چاتدیًلار کی، بوگونکو ميللی حرکتيميزين ايچينده
يئرلری اولا بيلسين؟
ساتقيًنيًن بوينوزو اولماز.
هئچ بير شکلين نيته ليگی (ماهييتی) دييشمز:
هئچ بير دون دييشديره نه اينانما!
دون دييشديره ن ساتقيًنلارا اينانديًن کی، بو گونه قالديًن.
حاق ندير؟ حاقلی کيمدير؟ بيلمه لی ييک،
وئريلمز حاققيًميًزی آلمالی ييًق.
15.09.2011