۹۹ - مدنيليگين اولچوسو قاديًن ديًر.
مدنيليگين اولچوسو قاديًن ديًر.
1248
چونکو ائرکک قاديًنی کوله ائديب،
قاديًنيًن آزادليًغی الدن گئديب،
باش قالديًران قاديًنی ائرکک ديديب؛
ائرکک ايستر کی، قاديًن کوله قالا،
(قورآن ايستر کی، کوله، کوله قالا،)
قاديًن ايستر بيرئی حاققيًنی آلا،
کوله چيليگين حالواسيًنی چالا.
1249
توپلوم قاديًن آغلی نيًن بدنی دير،
قاديًنی اوزگور توپلوم مدنی دير،
قاديًنيًن آغلی اونون ندنی دير؛
مدنيليگين اولچوسو قاديًنديًر،
اويقار توپلومون قاديًنی آيديًنديًر.
1250
قاديًن ايستر ائشيت حوقوقلو اولا،
سربستجه ايش گوجونو ساتا پولا،
يوخسا کاپيتاليزمی سالا يولا؛
اينسان حاقلاری لازيًمديًر قاديًنا،
کی صينفی ساواشدا چاتا داديًنا.
1251
تارلا اوزگه اوچون بيتکی بيتيرر،
کوله مولکييت حاققيًنی ايتيرر، (اوزونون و يوردونون.)
(مانقور قاديًن منليگينی ايتيرر،) (ائرکک مانقورت ائدر.)
اوزگور قاديًن اوزگور اوولاد يئتيرر؛
اوزگور قاديًن لازيًمديًر دئوريم اوچون،
يوخسا دئوريم اوزونو گورمز بو گون.
1252
ضرورتی اوزگور قاديًن درک ائدر،
ائرکک قاديًن گوسترديگی يولو گئدر،
او يولو کی، گئتدی عموغلو حئيدر،
ضرورتدن يانا ائرکک آيديًنديًر،
دئوريچی يئتيرن اوزگور قاديًنديًر.
1253
آی ميللی، آی خويلو، آی اوردوبادلی،
آنانيًن هر سوزو دادليًديًر، دادلی،
آنانيًن اوولادی اولماز ايرادلی؛
دره بگليک ائرکگين محصولودور،
ائشيتچيليک قاديًنيًن اوصولودور.
1254
دوغانی ائرکک سويلو دييشديريب، (آوروپادا)
اوره تيم گوجلرينی گليشديريب،
شکيل دييشديرن گوج يئتيشديريب؛ (آنتی تئز)
ائرکک آنجاق دوغادا مدنی دير،
سوموروچولو ک اونون ندنی دير.*
*- سومورولن هم سيياستده، هم ده ايقتيصاددا ائشيتچی اولار.
1255
توپلومون وحشيسی ائرکک سويلودور،
وحشی ائرکگين وحشيسی کويلودور، (کندلی)
وحشينی وحشی ائدن شئی گويلودور؛
هر توپلوم قاديًنی قدر آيديًن ديًر،
ائرکگی ائشيتچی ائدن قاديًن ديًر.
1256
توپلومون اويقاری آيديًن قاديًن ديًر،
سنی ائشيتچی ائدن آرواديًن ديًر، (عشق اولسون سنه!)
قيًزيًنی کوله ائدن ... داماديًن ديًر؛ (يئزنه)
ائرکک، آنتی اينسان اولوبدور بو گون،
اينسانلاری کوله ائتديگی اوچون.
1257
آنتی- تئزدن گرک کی، سئنتئز دوغا،
ائشيتچی نه کوله دير، نه ده آغا،
ايش گوجونو ساتما کی، کيمسه ساغا؛
اونجه اينسانی حاقلاريًنی قورتار،*
سونرا مولکييتی توپلوما قايتار،**
آغيًر ايشدن قورخسان گئت داوار اوتار.
*- دئموکراتيک دئوريم.
**- سوسياليستی دئوريم.
"بيز آذربايجان تورکلرينه، تورک آذربايجانيميز "دئموکراسی"دان،
"دئم قيراسی"ندان، باشقا "کيراسی"لاردانچوخ-چوخ اوستوندور!
تاريخ بويو شيلله لنميشيک، ايندی نه ياخچی کی، اوزوموزونکوندن
شيلله له نک!" 11.10.2010 عليرضا فرشی