۹۸ - ديًش سيياست ايچ سيياستدن دوغار.
ديًش سيياست ايچ سيياستدن دوغار.
(دستکچی باشقا، ايشقالچی باشقا.)
1242
ايشقالچيًليًغيًن خئيرينه چالماز ساز!
بيرلشديرن ظولومون کوکونو قاز!
حاقلی لاری بيرلشديرن يازی ياز!
ديًش سيياست ايچ سيياستدن دوغار،
فاشيست هر بير حاققيًن سسينی بوغار.
1243
فاشيست اوزگه نين حاققيًنی اولدورر.
اينسانليًق حاقلی نيًن حاققيًنا قيًيماز،
باشقا اولوسون يوردونا ال قويماز،
ايشقالچی ائدن دوشونجه نی يايماز؛*
تورک حوکومت ائتميش ايرانا دئيه،**
حاققی يوخدور ... لورون حاققيًنی يئيه.
*- "دوستئيئوسکی نين آلديًغی سونوج بو:
روسلار باشقالارينی ايداره ائتديکلری سوره جه، تاريخين اوستون
ميللتی اولاجاقلار.ايداره ائده جکلری ميللتلر اولماديغيندا روسلار
اوز ايچلريندن چوکوب يوخ اولاجاقلار. بويوک پيسيخولوق يازار
بو تاريخی سورونو چوخ دوغروجا کشف ائتميشدير. ..."
دموکراسی و عرب بيرليگی – گونتای گنجالپ
**- "اينديکی ايرانين واريثی ... اصلینده بيز ده اولماليييق.
چونکو بو جوغرافييانين سياسی کئچميشی تا اسکيلردن بيزه عآيد."
"بيز گئنيش ميقياسلي دوشونمه يه چاليشماليييق. ايمپئراتورلوقلار
قوران بير نسلين ائولادلاری کيمی دوشونمه لی یيک.
بو اوزدن ده ايلک مرحله ده ايرانين پارچالانماسی نين اؤنونو آليب
و فئدئراللاشماسينا اؤزَنمه لی یيک." گونتای گنجالپ
1244
تورکون هدفی ايشقالچيًليًق دئييل،
ايشقالچی توره در فاشيستی مئييل،
حاقلی نيًن حاققيًنا دئير کی، يئييل!
فاشيست اوزگه نيًن يوردونا ال قويار،
يعنی ميللی حاققيًن جانيًنا قيًيار. <
1245
ايشقالچی ميللتين خالقی جاهيلدير،
ايشقال حاققی وئرمه ين خالق عاقيلدير،
ديًش پوليتيکاسيًندا دا عاديلدير،
ظولومه قارشی بيرلشن تورک خالقی،
وئرمز اوز ميللتينه ايشقال حاققی.
1246
ايچ ساواشدان دئموکراسی دوغولار،
ديکتاتور زومره نين سسی بوغولار،
توخ قاريًنا گرکمز سود ساغيًلار، (اينکيشاف اوچون)
ايشقالچی ميللته اويان خالق آزار،
اوز حاقلاری نيًن دا کوکونو قازار. <<<
1247
اينسانلاری اينسانليًق بيرلشديرر،
حاقلی نيًن جبهه سينده يئرلشديرر،
حاقليًدان يانا سسی گورلشديرر،
حاقسيًزی بيرلشديرن حئيوانليًقديًر،
حاقليًنی بيرلشديرن اينسانليًقديًر.
30.03.2011