۹۷ - ايقتيدارا سوزونو کوچه ده دهً!
ايقتيدارا سوزونو کوچه ده دهً!
1236
قاراباغی ايشقال ائتديرن روسدور،
قاراباغيًمی ساتان تورک دييوسدور،
ساتيًلان قاراباغ ميللی ناموسدور،
دون دربند، بورچالی، زنگه زور، گويچه،
بو گون قاراباغ ساتيًليًر "ايليچ"ه. (ويلاديمير ايليچ)
ييرمی ايلدير قاراباغ بيزيم دئييل،*
گئری قايتارماغا دا يوخدور مئييل.**
*- "آد منيم، يار اوزگه نين."
**- ايقتيداريًن عمليندن سور!
1237
چونکو تورک ايناندی هر بير ليدره،
ناموسونو تاپيًشيًردی ... حئيدره، (نريمان نريمانولارا.)
ساتقيًن اوغراتدی بوگونکو قدره. (هر ليدئره اينانما!)
تورک سئچديگی ليدری "تانری" سانيًر، (موقدّس)
بو سببدن جهننمينده يانيًر. <<<
1238
تورک دوغادا ماتئرياليست اولسا دا،
دونيا- يئددينجيسی خالی آلسا دا،*
(نوروئژدن سونراکی يئری بولسا دا،)
ايچی- بوش تانريًنی يولا سالسا دا؛
تورکون گئتديگی يول دينين يولودور،
چونکو ياراتديًقلاری نيًن قولودور: (دردلرين کوکو)
چونکو سئچديگی ليدرين قولودور. <<<
* http://www.gallup.com/poll/114211/alabamians-iranians-common.aspx
1239
هر چالغيًچی اوينايانی اوينادار،
تانری يارادان تانريًسيًن يونه لدر،
(سئچديگی ليدری سئچن يونه لدر،)
ساتقيًن ليدر اوره کلری گوينه در،
آغليًنی وئرسن ساتقيًنيًن الينه،
بوگونکو يازقيًنی يازار ائلينه.
1240 *- مينيش وئرمه ينی مينمزلر.
هر ديکتاتور اوز ائلی نين سوچودور،* <
هر دئوريم ائل گوجونون سونوجودور،
هر قورخونو گئده رن ائل گوجودور،
ائل دستکله مه ين رئژيم دئوريلر، <<<
يانديًرانيًن کولو گويه سوورولار.
1241
ايقتيدارا سوزونو کوچه ده دهً!
"آ"دان آنلايانا آنلاشيًلار "ز"هً،
سوز دينله مه يه نين سوز حاققيًنی يهً! <
آتالار دئميش "ائل گوجو، سئل گوجو."،
ائل گوجو بللی ائدر هر سونوجو.
24.03.2011