۹۳ - آراز ايفشا ائتدی يوزلرجه گيزی،
آراز ايفشا ائتدی يوزلرجه گيزی،
1209
آی آذربايجانيًميًن اوغلو، قيًزی!
ضرورتدن دوغولار ايستک، آرزی
بيليکسيز کوتله اولا بيلمز قاضی
ميللی جهل خالقی آسيميله ائدر
... ميللی ثروتلری اليندن گئدر
(صينفی جهل صينفی آسيميله ائدر)
(قازانجی زلی نين جيبينه گئدر)
1210
آی آذربايجانيًميًن اوغلو، قيًزی!
بيزدن باشقا کيمسه قورتارماز بيزی
دين ده قويماز يازاق اوز يازقيًميًزی
آرازيزمی بويکوت ائدن دينچی دی
دينچی اولدوغو اوچون ... لئنينچی دی
1211
آی آذربايجانيًميًن اوغلو، قيًزی!
ميرزه جليل رئفورميست ائتدی سيزی
کی اوزگه يازا سيزين يازقيًنيًزی
(اوزگه يه يازديًرديًنيًز يازقيًنيًزی)
آراز دينچيليگين کوکونو قازدی
دئوريمچی يئتيشديرن کيتاب يازدی*
1212
آی آذربايجانيًميًن اوغلو، قيًزی!
صابير دئوريمچی ائده بيلمز سيزی
چونکو دئوريمچی دئييل اونون سوزو
صابيرين محصولو رئفورميست اولدو
کسديگی بوداغيًن بوش يئری دولدو
1213
آی آذربايجانيًميًن اوغلو، قيًزی!
تورکون نه سهندی، نه ده موجوزو
دئوريمچی دئييلديرلر، سوزون دوزو
تورکه هر ساحه ده ائوريم لازيًمديًر
هم ميللی، هم صينفی دئوريم لازيًمديًر
1214
آی آذربايجانيًميًن اوغلو، قيًزی!
موسيقيدن يوخسون اولان دوز يازی
يورار هم بئيينی، هم ده کی، گوزو
منيم شئيريم دوز يازيًدان گوجلودور
گوجلولويونو ... بيليمه بورجلودور
1215
آی آذربايجانيًميًن اوغلو، قيًزی!
يازيًلان ژورناليستسل هر بير يازی*
گوستره بيلر آنجاق کی، دايازی
(کشف ائده بيلر آنجاق کی، دايازی)
آراز هم بيليمسل فيکير يورودوب (سيستملی)
هم ده دردلرين کوکونو بليرديب <<<
*- يازيًجی اولاراق ميللی فعاللاريًميًزدان وارديًر کی، دئديگينه گوره آذربايجانيًن
ميللی مسئله سی حاققيًندا بش يوزدن فازلا يازی يازيًبديًر، ولاکين يازديًغی
يازیًلاری ايله او يازيًلارا بنزر ياخشی يازيًلار دا ژورناليستی يازيًلار اولدوقلا-
ری اوچون فوتوگرافچیًلاريًن محصوللاری تکين ظاليًما قارشی مظلوملاری
دويغولانديًريًب و ميللی روحلاريًنی اوياديًب و ميللی منفعتلرين دوغرولتوسوندا
دوشونه بيلمه لرينه يول آچا بيلسه لر ده، سيياستی ايقتيصاد ايله يوخ، بلکه سييا-
ستی سيياست ايله ايضاح ائتديکلری اوچون، او جومله دن نييه ايستيقلال؟ نييه
فئدئراليزم؟ قاراباغيًميًزی کيم قورتاراجاق؟ کيمی ميللی پروبلئملريميزين حاققيًندا
هئچ بير شئی اويره ته بيلمه ييب و دئمه ييبلر کی، باجی يا قارداشی نيًن ياريًسی
قدر پای يئتيشمک اوچون، تارلا ساييًلميًش موساواتچی آنانيًن محصولو آتانيًن
اولماق اوچون، قاضیًليًق حاققيًندان يوخسون قيًليًنميًش قاديًن اوز يازقيًسيًنی اوزو
يازماماق اوچون، يعنی کوله ليگين دونونو دييشديرن فئوداليزمين ايدئولوژوسونو
سونماق اوچون (ايسلام دينینی محترم سايان آنتی قاديًن ائرککلرين اوره ک
سوزلرينی ايچه رن) قرآن يازيًليًبديًر کی، قورآنيًن آيری سئچکيليگينه اوغرايان
کوله لر ايله قاديًنلار و جهلين دوشمنلری اولان آيديًنلار ازيليب- اولدورولسونلر.
کيم ائدر آرواديًنی آسيلی مال؟
(کيم ائدر اسيری نی آسيلی مال؟)،
کيم ائدر هرائوينی بير فئدئرال؟
(کيم ائدر سومورگه سينی فئدئرال؟)،
يوخسا قارت اولا بيلمز بئيت المال.
1216
آی آذربايجانيًميًن اوغلو، قيًزی!
آرازيًن شئيری درينليکده يازی (دوز و موسيقيلی)
هله يوخدور کی، گئده ره نيازی
آراز عادتين ترس يونونده اوزدو
تورکون يازا بيلمه ديگينی يازدی
1217
آی آذربايجانيًميًن اوغلو، قيًزی!
تنقيد ائده بيلمه ديلر آرازی
بويکوت ائتديلر کی، يازمايا يازی
(تحقير ائتديلر کی، يازمايا يازی)
چونکو آراز اوز کوکوندن سو ايچير
بو سببدن باشقا جور اولچوب- بيچير <
1218
آی آذربايجانيًميًن اوغلو، قيًزی!
آراز ايفشا ائتدی يوزلرجه گيزی
کی دوغرو آدرئسه گونده ره سيزی <
آراز بليرتدی ايچ و ديًش دوشمنی*
کی قورتولا هم خالقی، هم وطنی.
*- بو سببدن تحقير ائديرلر منی،
24.02.2011