۹۲ - اينانجی اونايلايان مادده سيدير،

   اينانجی اونايلايان مادده سيدير،

(سانما کی، جاهيللرين عيدده سيدير.)

1201    *- عيدده =سايی

سن اون بئش آياقلی قويونا اينان!

کدخدانيًن گوکسل تاييًنا اينان!

جننتده کی آخار چاييًنا اينان!

اينانجی اونايلايان مادده سيدير،

سانما کی، جاهيلرين عيدده سيدير.*

1202

خيال کوکنلی اون آياقلی داوار

آنجاق جاهيله گوره ساييًلا "وار"

يوخا اينانان جهلی آغيًل قووار

خيالين هر اورونونه اينانما   <

ماتئرياليست اولا بيل کی، قيًنانما

1203

خيال فيکير اوره تمه گه چاغيًرار

مادديلشميش فيکير اينانج دوغورار

اينکار ائدنين اوستونه باغيًرار

مادديلشه بيلمه ين ايچی- بوشدور  <

ساتيًجی دئمز کی، يوغوردوم توشدور

1204

معماريًن خياليندان دوغان پلان

گرچکلشه بيلر کی، گوره اينسان

مادديلشه بيلن هر شئيه اينان

جاهيلين خياليًندان دوغان آلله

مادديلشه بيلمز کی، اينانا ... شاه

1205

گليشی گوزه ل هر سوز گويچک دئييل

بوشونا آغارميش توک بيرچک دئييل

خياليًن هر اورونو گرچک دئييل

آلله يًن تانريًسی جاهيل خيالديًر  <

قورآن يازديًران تانری فئودالديًر

1206

دينسل اينانج، اينانج ساييًلا بيلمز

خالقی اويادماسان آييًلا بيلمز

بويکوت اولموش فيکير ياييًلا بيلمز

کيشيسل اينانجا گوز يومماليًييًق

ضررلی اينانجلاری گوممه ليييک

1207

جهليندن دوغان تانری سنين اولسون

جهلين گوسترديگی يول دينين اولسون

قازماقدا اولان قويون درين اولسون

   (ديبينده اوزونو گوررسن.)

حاققيًن يوخدور منه يازقی يازاسان

منيم يازديًغيًم يازقيًمی پوزاسان

1208

بئيينلر بيليمه بورونمه ليدير

جهالتين لشی سورونمه ليدير

آزيًنليًغيًن حاققی قورونماليًديًر

چونکو دين حيزب الالله توخومو اکير

لاييک و سئکولار دوولت گرکير.

10.02.2011