۸۷ - يازار صينفی دردينی يازماليًديًر.
يازارصينفی دردينی يازماليًديًر.
بو يازيًمی "بيزيم يازيًچيًلار پرئزيدئنت تقاعودو
اوغروندا موباريزه آپاريًرلار" آدلی درين وه
ده يرلی مقاله نين يازاری ائلوجا خانيًم آتالی يا
ايتحاف ائديره م. بالتاجی آراز
۱- تزه کدن کونفئت اولماز.
۲- خالق ايله اولکه روتبه يه ساتيًلماز.
۳- يالتاقليًق ايله بوتپرست ليگه سون!
1174 *- قانديًيا قانديًرماق اولماز.
يازارليًق سوزجوقله اويناماق دئييل <<<
هر صينفی قازاندا قايناماق دئييل
هر صينفی ايلکه نی چئينه مک دئييل
يازارليًق حاققيًن يولونو گئتمکدير
حاقسيًزليًق ائدنی تنقيد ائتمکدير*
1175
يازار صينفی دردينی يازماليًديًر
(يازار ميللی دردينی يازماليًديًر)
جهالتين کوکونو قازماليًديًر
چاره بولماق پئشينده گزمه ليدير
يازار جاهيل خالقی نيًن دوکتورودور
دوشونسل دئوريمی نين فاکتورودور
1176
جهلين کوکونو آنجاق يازار قازار
جاهيل يازاريًن اويرنجيسی آزار
خالقيًنی آزديًران ساييًلماز يازار <<<
هر بير دردين بللی درمانی وارديًر
بونو آنلامايان يازار "داوار"ديًر
1177 *- فيکيرلرينی چورودر.
يازار بيلگی ايله آرمان پايلايار
جاهيل يازارلارا درمان پايلايار
يالتاغا مان ايله يامان پايلايار
يازار دوشونسل پروبلئمی چوزر
آغيًل زه هرله ين باشلاری ازر*
1178
يازار ضرورتدن آسيًلی اولار
گرکديرديگی درده چاره بولار
دردی چوزولنين سوره سی دولار
خالقيًن بوگونکو دردی ... کئچيميدير
مولکييتين گئريچی بيچيميدير
1179
يازار دردين ماددی کوکونو بولار
کوکو بولونان درد تداوی اولار
کوکوندن سو ايچمه ين چيچک سولار (دوغادا)
دردين کوکو صينفی سوموروده دير (توپلومدا)
(دردين کوکو ميللی سوموروده دير)
سوموروچودن يانا ... سوروده دير (مانقورتلوق)
1180
سونوج سببی نين يولونو گئدر
(معلول عيللتی نين يولونو گئدر)
ييًرتيًجی- دوشمنی نی توتسا ديدر
سيياستی ايقتيصاد ايضاح ائدر
هر اولاييًن کوکو ايقتيصادداديًر
دين دئير ... اوشاق دوغان آرواداديًر
1181
هر يازار اکونوميست اولماليًديًر*
چونکو دردين کوکونو بولماليًديًر
هر بير دردی کوکوندن يولماليًديًر
جاهيل يازار کفنی نی باتيًرار <
دردلری نين اوستونه درد آرتيًرار
*- سياسی ايقتيصاددان سوز گئدير.
1182 *- ديققت!
يازار چليشکيسيز دوشونمه ليدير
صينفی دونياسيًنا داشيًنماليًديًر
تميزلنمک اوچون قاشيًنماليًديًر
يازار بللی بير صينفين ايچينده دير* <<<
صينفسل دوشونن بيلينچينده دير
1183
يازار اويادماسا کيمسه آييًلماز
هر يازيًلميًش يازی، يازی ساييًلماز <
اوياديًجی يازی بو گون ياييًلماز
گله جکدن قورخان يئرينده سايار
يئرينده سايديًران يازيًنی يايار
1184
آراز اوزونو آسيًلی ائتسه يدی،
بويکوتچولاريًن يولونو گئتسه يدی،
گئريچيليگين داديًنا يئتسه يدی،
اوندا آراز دا يئرينده ساياردی،
گئتديگی دوغرو يولوندان جاياردی.
16.07.2010