۸۴ - بورژووا- مللاک ميللی صينف دئييلدير.

بورژووا- مللاک ميللی صينف دئييلدير.

1132

(يا پيشه وری نين آديًنی چکمه!)

(يا دا "کرتنکله" قانيًنی توکمه!*)

(يوخسا دوشونمه سونوجا، حوکومه!)

(روتبه اوچون تورکو فارسا فدا ائت!)

(... شريعتمداری نيًن يولونو گئت!**)

 

   (*- گونتای بی گنجالپ تکين.)

  (**- روتبه يه ساتيًلان آيت الالله مير کاظيًم)

(شريعتمداری تکين سومورگه چی فارس)

(ميللتی نين ايشقالچی اوردوسونون اونونده)

(هم قوربان کس، هم ده اوزونو ميللی تانيًت!)

1133

هم ساواشيًبديًر سئچکی حاققی اوچون،

ميللت وکيلی سئچن خالقی اوچون،

دوولتينی قوردوران ايرقی اوچون،

هم ده دوولتی کوکوندن آييًريًر،

دوولتدن بامباشقا بير صينف قاييًريًر!

1134

خالقی مانقورت ائدن صينف اولچوب- بيچر

مانقورت اوز صينفی حاققيًندان وازکئچر  <

مانقورت ائدنين سئچديگينی سئچر

دوولت مانقورت ائده نين دوولتيدير  <

سئچن خالقی، سئچديرن ميللتيدير

1135

هر دوولتين صينفسل کوکو وارديًر  <

کوکونون داشيًتديًغی يوکو وارديًر

تورک خالقی ًنيًن دا ساتقيًن تورکو وارديًر

دوولت اگمن صينفين دوولتیدير

ازيلن خالقی، ازه ن ميللتيدير     <

1136

اونجه بئيينده دئوريم ياپماليًييًق  <

اوزگه لشديرن لردن قوپماليًييًق

دردلره چوزوم يولو تاپماليًييًق

يعنی آرازيزمی اويرنمه ليييک

بويکوتچو تورکلردن ايرنمه ليييک

1137

کندين قازانجی شه هرلره آخيًر

(کندين ايشسيزی شه هرلره آخيًر)

کندين اينکيشافيًنی يئره چاخيًر

يئرينده سايانيًن ائوينی ييًخيًر

کندی سويان ياد مالی آليًب- ساتيًر

ميللی بورژووازی نيًن مالی باتيًر

1138

يئر اکيب- بيچن صينفين اولماليًديًر

فاييز يئرين اوستونده قالماليًديًر

کند ده ايستيقلاليًنی بولماليًديًر

کندين قازانجی کندی گليشديرر

... زنجيره لی تيراکتور چاليًشديًرار

(کونسئرو فيرماسی قوروب- چاليًشديًرار)

1139

کندی قورتولموش شه هرده  قورتولار  <

ميللی مال ساتان اهر ده  قورتولار

گئجه نی گومن سحر ده  قورتولار

شه هرين اوره تديگينی کند آلار

بورژووا دئوريمی قلبه چالار

1140

فئودال ياپيًلی بورژووا- مللاک

دئوريلسه اليندن آليًنار املاک

هر کيری تميزله يه بيلمز دللاک  (~بويکوتچو)

بورژووا- مللاک ميللی صينف دئييلدیر  <

چالديًرديًغی دف ميللی دف دئييلدير.

1141

بورژووا- مللاکيًن آنا ياساسی،

دئير "اللنمز اربابيًن ارسه سی،"،

"کی محصولدان اولا بيله حيصصه سی.".

محصول آسيًلی دئييلدير مللاکدان   <<<

اينانماسان سور مللاکسيًز املاکدان

 

   *- مللاکيًن انگل اولدوغو بلليدير.

1142

دوولت مللاکيًن مولکونو قورويور

يئره ال قويان زينداندا چورويور

هانسی صينفين قانونلاری يورويور؟

هر قانون بللی صينفين اوصولودور  <

دوولت اگمن صينفين محصولودور.

30.06.2010