۷۸ - اويودلر تاريخه گومولمه ليدير.
اويودلر تاريخه گومولمه ليدير.
1087
اويود گليشمه ميش اوشاق اوچوندور،
هاوالاردا گزه ن باشاق اوچوندور،
دونون قوللانديًغی قورشاق اوچوندور.
اويود قانونو دييشديره بيلمز، <
دييشديرمه ين گليشديره بيلمز.
1088
فضولو ظاليًملارا اويود وئردی،
اويود وئرن نسيمی سينه گردی،
چوزوله بيلمه دی توپلومون دردی.*
اويودلر تاريخه گومولمه ليدير،
اوغراشديًران آغيًز يومولماليًديًر.
*- دآوآميًز حاق و حوقوق دآوآسيًديًر.
1089
توپلومون اوچ - بش فاييزی ظاليًمديًر
ظاليًميًن محصولو آنجاق ظولومدور
ظولومو گوممک ايسته ين مظلومدور
ديشی آغريًيان بيلر آغری ندير،
بو علم ايله اويودچو بيگانه دير.
(تجروبه سيز علم ايله بيگانه دير)
1090
اويود آنجاق اوشاقلارا وئريلر
آجيًن يولو يوخسوللوقدان ايريلر
اخلاقييات باخيًميًندان گئريلر
اويود ظاليًمی عاديل ائده بيلمز <
آج دا توخون يولونو گئده بيلمز
1091
ظاليًم ايستر کی، مظلومو سوموره
مظلومون ساتقيًنی سوموک گميره
کی "اوزو قاراليًق قالا کوموره"
اووچونو اووچو ائدن شئی تاماحديًر
تاماحی گرچکلشديرن سيلاحديًر
پيس سيلاحا ال قويماماق گوناهديًر
("عاريًف ايشاره دن قانار.")
1092
تاماح دينله مز اويوتچو واعيظی
تاماح دئير اولدور، يهً او اوکوزو،
کی تراکتور قورتاردی گوله اوزو.
دييشکن تاماح دئييل کی، ياساديًر <
ياسانی دييشديرن ... فيًرانساديًر
(فيًرانسا دئوريمی)
1093
تونلارجا اويوددن خئيير گورمه ديک <<<
يوز ايلدن اونجه ... اوزئيير گورمه ديک
ياسا الشديرن شئيير گورمه ديک (آرازيزم)
اولولری بوراخيًن اولولره*
يول گوسترين دئوريمچی کوله لره!
*- کئچميشدن قوپمالیًييًق.
02.02.2010