۷۵ - آوروپانی سول صنايئلشديردی.

    آوروپانی سول صنايئلشديردی.

آز شئی گوزه تپيلر،

چوخ شئی يئره سپيلر،

يازماسام بيليکلنمز،

وار- دوولتی چاپيًلار.

(مين ايلدن بير بئله کيتاب يازيًلار،)

(يازاری اولمه دن اونجه ازيلر.)

1067

خالقيًن ايستگینی ياسا بليردر

ياسانی دوولت بئينينده اريدر

ياسانيًن بويروقلاريًنی يورودر

دوولت دوولتی قوردوران مئييلدير

باديًمجان "ساخلاماق"اوچون دئييلدير

1068

دوولت خالقيًن وئرگيسيندن بسله نر

يئيب- ايچيب- ياتان دوولت پاسلانار

باشی داشا ده ين دوولت اوسلانار

يوردونو چاپديًران دوولت دويولر

آنا فابريکا قوردوران سئويلر

1069

دوولت بودجه سينی وئرگیدن ساغلار

آنا فابريکاسيًز ميللی گوج ديًغلار

"اوزگه گوجو ايله بی دوران" داغلار*

دوولتين هم پولو، هم ده بئينی وار

ندن اوزگه چوبانا ائدير داوار؟

 

  *- هم ساتيًر، هم ده کی، حورمت ديله يير.

1070     *ديققت!

بودجه دوولتين الينده توپلانار

آنا فابريکا اولماسا ييًپرانار

چونکو مونتاژچی فيرمايا قاپلانار

يازقی يازديًران آغيًر صنايیدير*

يادان آسيًلی اولان عنايیدير

1071

چاپيًلان يوردونو دولت قورتارار

يوخسا گئدر داغدا قويون اوتارار

قورتاريًجی دوولت تاختدا اوتورار

يابانجی سرمايه گيرسه اولکه يه

ميللی ايراده نی ايتر کولگه يه

ديکتاتورلوق حاققی وئرر تولکويه

 

توپراغيًميًز پايلانيًر، ميللی وار- دوولتيميز چاپيًليًر،

ميللی قئيرتيميز، ميللی موراليًميًز اولدورولور، ...

بويکوت ائتديگی آرازيزمی جهل ايله روشوته ساتيًليًر.

 

بختييار موعليم! صاباحيًميًز هارا گئدير؟

   آلداتيًجی "موخاليفت" نه ائدير؟

1072

دوولتين ايلنمه يه پاراسی وار

دوولتين بسلنمه يه پاراسی وار

دوولتين پيسلنمه يه پاراسی وار

دوولتی ساپديًران تاجير صينفیدير

او صينفين قازانجی ايله کئفیدير

15.01.2010