۷۴ - آمستئردام بيلديريسینه سويله!

آمستئردام بيلديريسینه سويله!

   آنا ياسادا يازيًلان وئريلر،

يوخسا سويولموش اولارلار دریلر.

1055

آمستئردام بيلديريسینه سويله

سوسيال- عدالتی گتيرسين ديله

اورت- باسديًر ائتمسينلر بيله-بيله

عدالت باشقاديًر، اينکيشاف باشقا*

مظلوم عدالت اوچون گلر عاشقا  <

 

  *- اونجه ائو، چوره ک، ساغليًق، سونرا اينکيشاف.

1056

ايشسيز خالقيًم دا آذربايجانليًديًر

هر آذربايجانلی تکين جانليًديًر

نييه اونون توکدوگو ياش قانليًديًر؟

دوولت ايشسيزلره ايش وئرمليدير

هم ده يوخسولو کئچينديرمليدير

1057

ايشسيز خالقيًما ايش يوخدور چاليًشا

اوشاغی حسرت قاليًبديًر ... قالوشا

کی قونشوسو دا اود توتوب- آليًشا

ايشسيزين خرجینی دوولت اوده ير  <

يوخسا هر پيسليکدن پيسليک توره ير

(يوخسا ايشسيزليکدن پيسليک توره ير.)

1058

ايشسيز خالقيًميًن اوولادی آج ياتيًر

آج ياتيًران آناسی ... درده  باتيًر

آنجاق درد چکديرن صينف کآما چاتيًر

حئيوانی بسله يرلر کی ساغالار  <

اينسانی آج ياشاديًرلار ... آغالار

 

(چاتلا باغريًم آرازا چکديرمه درد!)

1059

ايشسيز خالقيًميًن باشی آشاغيًديًر

اونو اوتانديًران ... آج اوشاغيًديًر

تاجيرين دردی دانبيل- داششاغيًديًر

اوتان آی تاجيرين دردينه يانان!  <

يوخسوللوقدان فاحيشه اولوب آنان

 

(بوتون آنالار، آنالاريميًزديًرلار.)

(فاحيشه ليگين دوشمنی کسينليکله)

(سوسيال عدالتدن يانا اولمالیديًر.)

1060   *- ائوسيزين وطنی اولماز.    <<<

ايشسيز خالقيًم دا يوردوندا ائو ايستر،

ائوسيزه ائو وئرن ايسته ير آستار،

خالقيًن دوولتی اولدوغونو گوستر.    <<<

يوردو اولانيًن ائوی اولماليًديًر،*    (قوللانماغا)

ايچی بوش وعده لر سون بولماليًديًر**

 

(اوز وئرمه سن، آستار ايسته مه!)

 

*- آمستئردام بيلديريسی، مادده ۴:     (ايچی بوش وعده)

    "... ميللتيميزين ياشاييًش سوييه سی دونيانين اينکيشاف

    ائتميش ميللتری سوييه سينه يوکسلمه ليدير.".

 

    ولاکين آلقيًشا لاييق آمستئردام بيلديريسی نين دوردونجو

    مادده سی، دردلريميز ايله دولتيميزين گوره ولری نين

    نه اولدوقلاری حاقدا نلره توخونور؟ نلری بليردير؟

    نلراويره دير؟ کيملر اويويانلاری اويادمازلار؟ نييه؟

1061

ايشسيز خالقيًميًن اوولادی خسته دير،

دآوآ تورکون ساغلامليًغی اوسته دير؛

او دوولت قانونلاری کی، West-ده دير.

دوولتی خالق گتيرر ايش باشيًنا،    (چوخونلوق)

ايسته گينی سالار اونون آشيًنا،

کی باشقا شئی چيًخمايا قاشيًغيًنا.

1062           (دئمه يين دئمه ديلر)

ايشسيز خالقيًم دا تورک سويلودور، قارداش!

وطن اوغروندا دا ... ايشسيز قويار باش  <

ايشسيزين باشيًنا دوشموش اولسا داش

ايشسيزين اوولادی دا قوربان اولار

چونکو آرزولاری گوزونده  قالار*

 

*- هر دونمه آييد اولان آرزولاريًن نلر اولدوقلاری

    حاقدا هر کس اوزو دوشونوب کشف ائتملیدير.

    اينسانلاريًن يازقيًسی ايله اويناماياليًم!

    سيزه روتبه لازيًمسا، يوخسولا ... چوره ک لازيًمديًر.

1063

ايشسيز خالقيًميًن دا ايش گوجو وارديًر

ائييديلن گوجون وئرگیسی کارديًر*

جاهيل ميللتلرين قازانجی عارديًر  <

ايش گوجونو دوولت ائييدمه لیدير

تحصيللی اينسانلار بويودمه لیدير

 

*- دوولت خالقيًندان وئرگی آلار. آلديًغی وئرگی و ميللی-

    ثروتلرين يارديًمی ايله تحصيللی اينسانلار يئتيشديرمه ليدير.

    تحصيللی اينسانلاريًن قازانجی دوولتين اولسا، و قازانديًغی

    او قازانجی آغيًر صنايهً داليًندا ياتيًرسا، ميللی اينکيشافيًنی دا

    چيچکلنديرر.

يوخاريًدا سويله ننلری سونوجلانديًرماق اوچون دئمه ليييک:

1064

ايشسيز خالقيًم درد اليندن ديًغلاييًر

يوخسوللوقدان اوشاغی دا آغلاييًر

اينسانسئور اوره کلری داغلاييًر.

آی داغلی اوره کلر چيًرپيًنيًن گئنه  <<<

يون وئرين يوخسوللوقدان دوغان کينه

1065

ايشسيز خالقيًما يا ايش وئر، يا ... چوره ک

کی سوسيال- عدالته بيز ده ايره ک

يوخسا دوولتی ووروب يئره سره ک    <<<

عدالتسيز ميللی ايستيقلال چوکر

چونکو قارداش، قارداش قانيًنی توکر

1066

تاجيرين "شه هر" سالماغا پولو وار

تاجيرين درمان اولماغا پولو وار

تاجيرين هر شئی آلماغا پولو وار    (پروبلئمی يوخدور)

سوسيال- عدالت يوخسول صينف اوچوندور

کاری صولح ايله اينکيشاف اوچوندور.  <

 

دوولت دوولتی قوردوران مئييلدير،

باديًمجان "ساخلاماق" اوچون دئييلدير.

24.12.2009